Ruka 8:40 - Rapa Nui

⁴⁰ I hoki haka ꞌou era a Ietū ki te rua pāꞌiŋa, ki Karirea, he toꞌo rō atu ꞌai te koa o te taŋata; e tiaki ꞌana, paꞌi, ananake.

Ruka 8:40 ပူးပေါင်းရင်းမြစ်များ

Māteo 9:1

I oti era rā meꞌe, he eke a Ietū ki ruŋa i te vaka he oho ki te rua pāꞌiŋa o te vai ꞌe he tuꞌu ki te kona noho ōꞌona.

Marko 12:37

»Hai kī o Tāvita i te vānaŋa era mo te Kiritō, e ꞌite nei e tātou: te Kiritō taꞌe nō he hakaara o Tāvita». ꞌE nuꞌu rahi te nuꞌu o ira i haka roŋo hai koa i te vānaŋa ꞌa Ietū.

Marko 5:21

I hoki haka ꞌou era a Ietū a ruŋa i te vaka ki te rua pāꞌiŋa, he taka-taka meꞌe rahi taŋata. He topa a Ietū ꞌe he noho ꞌi te taha-taha o te vai.

Marko 6:20

A ꞌErore e riꞌa-riꞌa rō ꞌana i a Iovani. Ko ꞌite ꞌana he taŋata moꞌa ꞌe aŋa i te meꞌe tī-tika ki te mata o te ꞌAtua. ꞌO ira e hāpaꞌo era. He mira-mira nō te manaꞌu o ꞌErore e ŋaroꞌa era i te vānaŋa ꞌa Iovani. ꞌE, ka ai atu pē ira, ko te haka roŋo iŋa ꞌā hai māhatu.

Ruka 19:48

ꞌE, ꞌo te ai he taka-taka nō te aŋa o te taŋata mo haka roŋo i tāꞌana vānaŋa, ꞌina he ravaꞌa.

Ruka 19:6

ꞌI tū hora ꞌā he topa a Tākeo, ko toꞌo atu ꞌā te koa, he maꞌu he oho i a Ietū.

Ruka 5:1

E tahi mahana e noho nō ꞌā a Ietū ꞌi te taha-taha o te vai ko Henetareta, he ŋaroꞌa ko pi-piri ꞌā a ia ꞌi te rahi o te taŋata oho mo haka roŋo i te ⌊roŋo riva-riva o te ꞌAtua⌋.

Ruka 8:39

—Ka hoki ki tuꞌu hare ꞌe ka ꞌaꞌamu te meꞌe taꞌatoꞌa aŋa atu e te ꞌAtua mōꞌou. He eꞌa rā taŋata he oho ꞌe he ꞌaꞌamu ki te nuꞌu taꞌatoꞌa o tū kona era i te meꞌe aŋa e Ietū ꞌi ruŋa i a ia.

Iovani 5:35

»Te meꞌe hāpī e Iovani pa he hakariꞌi haka māꞌeha i te kōrua manaꞌu, ꞌe i koa rō kōrua ꞌi rā hāpī ꞌi te ŋā mahana haka ꞌite atu era.

Aŋa o te ꞌĀpōtoro 10:33

»ꞌO ira a au i uŋa atu ai ꞌi rā hora mau ꞌā mo oho mai ōꞌou, ꞌe he riva ōꞌou, a koe i oho mai ena. ꞌĪ tātou taꞌatoꞌa ꞌi te hora nei ꞌi muꞌa i te ꞌAtua, ꞌe e haŋa rō ꞌā a mātou mo haka roŋo atu i te meꞌe taꞌatoꞌa kī atu e ia mo haka ꞌite mai e koe ki a mātou.