Ruka 8:24 - Rapa Nui

²⁴ He haka hāhine rā nuꞌu he haka ꞌara i a Ietū ꞌe he kī: —¡E te Maꞌori! ¡E te Maꞌori! ¡Ka ꞌara koe! ¡He emu tātou! He eꞌa ia a Ietū ki ruŋa, he kī ki te tokerau ꞌe ki te pari mo noho, ꞌe he māria rō ꞌai.

Ruka 8:24 ပူးပေါင်းရင်းမြစ်များ

Māteo 14:30

ꞌI te ŋaroꞌa i te pūai o te tokerau, he riꞌa-riꞌa. ꞌE i haꞌamata i emu i oho era, he ohu: —¡Ka hāꞌūꞌū mai koe, e Ietū ē!

Māteo 8:25

He oho e tū nuꞌu era ꞌāꞌana he haka ꞌara he kī: —¡E Ietū, ka hāꞌūꞌū mai koe! ¡ꞌĪ tātou he emu!

Marko 4:39

He eꞌa a Ietū ki ruŋa he kī ki te tokerau ꞌe ki te pari: «¡Ka mou! ¡Ka noho!». ꞌI tū hora ꞌā he kiva-kiva te tokerau ꞌe he māria te vai.

Ruka 4:35

He ture ia e Ietū ki tū tātane era: —¡Ka mou ꞌe ka eꞌa koe mai roto i te taŋata ena! He haka ꞌamo e tū tātane era i rā kope ki raro e uꞌi nō atu ꞌana te nuꞌu taꞌatoꞌa o tū kona era. He eꞌa rā tātane mai roto ꞌe ꞌina e tahi meꞌe ꞌino i aŋa.

Ruka 4:39

He noi a Ietū a ruŋa i rā viꞌe, he kī ki te māui-ui mo kore, ꞌe he kore rō ꞌai. ꞌI tū hora ꞌā he eꞌa rā viꞌe ki ruŋa he haꞌamata he vaꞌai hai kai mo rāua.

Ruka 5:5

He pāhono e Tīmona: —E te Maꞌori, i aŋa nō mai a mātou i te aŋa ena ꞌi ꞌaŋapō ka ꞌōtea rō ꞌe ꞌina e tahi ika i ravaꞌa mai. ꞌE, ꞌo te ai nō ꞌāꞌau i kī mai, ka haka topa haka ꞌou nei a mātou i te kūpeŋa.

Ruka 8:25

I oti era he kī ki tāꞌana nuꞌu hāpī: —¿ꞌIna ꞌana ꞌō a kōrua kai haka moe ꞌā i te manaꞌu ꞌi ruŋa i a au? Ko riꞌa-riꞌa ꞌā ꞌe ko māere atu ꞌana rā nuꞌu he ꞌui ki a rāua ꞌā: «¿Ko ai mau te kope nei? ¡ꞌĀtā te tokerau ꞌe te pari e haꞌatura rō ꞌā ki a ia!».