E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».
»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.
He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».
ꞌO ira a mātou e taꞌe uꞌi haka ꞌou ena i te taŋata hoki a rāua he nuꞌu hōnui ꞌo he nuꞌu taꞌe hōnui, pa he manaꞌu iŋa o te taŋata o te ao nei. Pē ira mātou e uꞌi era i te Kiritō ꞌi muꞌa ꞌā, ꞌe, hora nei, ꞌina he uꞌi haka ꞌou pē ira.
E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.