Ruka 8:2 - Rapa Nui

² ꞌe tētahi ŋā viꞌe haka ora e ia i te māui-ui ꞌe tētahi haka eꞌa i te tātane mai roto. ꞌI roto o rā ŋā viꞌe a ⌊Māria⌋, kī takoꞌa ko Matarena, viꞌe mai roto i haka eꞌa ai e hitu tātane;

Ruka 8:2 ပူးပေါင်းရင်းမြစ်များ

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Marko 16:1

I oti era te ⌊mahana haka ora⌋, he hoꞌo a Māria Matarena, a ⌊Māria⌋, matuꞌa vahine o kuā ⌊Tanatiako⌋, ꞌe a Taromē i te manoꞌi mo paru i te hakari o Ietū.

Marko 16:9

I ora era a Ietū mai te mate ꞌi te popohaŋa o te mahana raꞌe o te tāpati, he haka takeꞌa i a ia ꞌi raꞌe ki a Māria Matarena, he viꞌe mai roto i haka eꞌa ai e Ietū e hitu tātane.

Ruka 23:27

Meꞌe rahi te nuꞌu oho ꞌi tuꞌa o Ietū, ꞌe ꞌi roto te ŋā viꞌe e ta-taŋi ꞌā ꞌi te ꞌaroha i a ia.

Ruka 23:49

Te repahoa taꞌatoꞌa o Ietū ꞌe te ŋā viꞌe oho mai Karirea ꞌi muri i a ia mai kōnui ꞌā e noho e uꞌi era.

Ruka 23:55

Te ŋā viꞌe tuꞌu ꞌi muri i a Ietū mai Karirea he oho he uꞌi i tū kona era ꞌe pē hē i haka rē ai i te hakari o Ietū.

Ruka 8:30

He ꞌui e Ietū: —¿Ko ai tuꞌu ꞌīŋoa? He pāhono: —Tōꞌoku ꞌīŋoa ko Taꞌutini. I pāhono ai pē ira ꞌo te ai meꞌe rahi tātane ꞌi roto i rā taŋata.

Iovani 19:25

ꞌI muri i te tātaurō o Ietū tōꞌona matuꞌa vahine, te taina vahine o tōꞌona matuꞌa vahine, te viꞌe ꞌa Kereofa ko ⌊Māria⌋, ꞌe a Māria Matarena.

Aŋa o te ꞌĀpōtoro 1:14

Te aŋa o rāua he haka taka-taka mo pure ananake ko te taina o Ietū, ko ⌊Māria⌋ matuꞌa ōꞌona ꞌe ko te tētahi atu ŋā viꞌe.