Ruka 8:18 - Rapa Nui

¹⁸ »ꞌO ira, e uꞌi e haka roŋo riva-riva tāꞌaku hāpī. Te kope aŋi-aŋi ꞌe toꞌo mōꞌona i te parautiꞌa o te ꞌAtua he ꞌata haka aŋi-aŋi e te ꞌAtua. ꞌE te kope ꞌina he toꞌo mōꞌona, ꞌātā ki te meꞌe manaꞌu ko ꞌite ꞌā e ia ka toꞌo ena».

Ruka 8:18 ပူးပေါင်းရင်းမြစ်များ

Māteo 13:12

Te kope aŋi-aŋi ꞌe toꞌo mōꞌona i te parautiꞌa o te ꞌAtua he haka ꞌata aŋi-aŋi. ꞌE te kope ꞌina he toꞌo i rā meꞌe mōꞌona, ꞌātā ki te meꞌe ꞌiti-ꞌiti ꞌite e ia o ruŋa i te ꞌAtua ka toꞌo ena.

Māteo 25:29

Te kope, paꞌi, ꞌata rahi i a ia te meꞌe, ꞌata rahi te meꞌe ka vaꞌai ena, ꞌe ꞌātā he topa; ꞌe te kope ꞌina e tahi ꞌāꞌana meꞌe, ꞌātā ki te meꞌe ꞌiti-ꞌiti manaꞌu e ia ꞌāꞌana ka hiko ena.

Marko 13:14

»Nā e tuꞌu rō te mahana te kope ko ia te meꞌe ka hano-hano ꞌe ka ꞌenemī ena e te ꞌAtua he oho he noho ꞌi te ⌊Kona ꞌAta Moꞌa⌋ o te Kona Haꞌamuri ꞌAtua, he kona ꞌina a ia ko ai ꞌi ira. (Te kope taiꞌo i te meꞌe nei e aŋi-aŋi riva-riva). »Ka topa ena te meꞌe nei, te nuꞌu noho o Hūrea e tē-tere a te kona maꞌuŋa;

Ruka 19:26

»He pāhono e tū ꞌariki era: “Te kope ꞌata rahi o te meꞌe, ꞌata rahi ka vaꞌai ena; ꞌe te kope ꞌina e tahi ꞌāꞌana meꞌe, ꞌātā ki te meꞌe manaꞌu e ia ꞌāꞌana ka hiko ena.

Ruka 9:44

«Ka haka roŋo riva-riva mai te meꞌe nei ꞌe e uꞌi ꞌo rehu rō: te Poki o te taŋata e vaꞌai rō ki te rima o te nuꞌu taꞌe haŋa ki a ia».

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Aŋa o te ꞌĀpōtoro 10:33

»ꞌO ira a au i uŋa atu ai ꞌi rā hora mau ꞌā mo oho mai ōꞌou, ꞌe he riva ōꞌou, a koe i oho mai ena. ꞌĪ tātou taꞌatoꞌa ꞌi te hora nei ꞌi muꞌa i te ꞌAtua, ꞌe e haŋa rō ꞌā a mātou mo haka roŋo atu i te meꞌe taꞌatoꞌa kī atu e ia mo haka ꞌite mai e koe ki a mātou.

Aŋa o te ꞌĀpōtoro 17:11

Te hūrio o te kona nei ꞌata hau te riva-riva o te manaꞌu ki te nuꞌu hūrio o Tētārōnika. A rāua, paꞌi, e haka roŋo rō ꞌā hai māhatu i te vānaŋa o te ꞌAtua, ꞌe e taiꞌo rō ꞌā paurō te mahana i te Pāpaꞌi Moꞌa mo uꞌi hoki he parautiꞌa te meꞌe kī e kuā Pauro.

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

1 Kōrinto 14:37

Mo manaꞌu o te kope e tahi e vānaŋa ꞌana a ia i te meꞌe haka ꞌite e te ꞌAtua, ꞌe he kope haka tere a ia e te Vārua Maitai, e ꞌite pē nei ē: tāꞌaku meꞌe nei e pāpaꞌi atu ena he roŋo o te tātou Pūꞌoko Haka Tere ko Ietū Kiritō.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

1 Kōrinto 8:2

Te kope manaꞌu e ꞌite rahi rō ꞌana a ia o ruŋa i te meꞌe e tahi ꞌina kai aŋi-aŋi riva-riva i rā meꞌe pa he meꞌe haŋa e te ꞌAtua mo aŋi-aŋi e ia.

Fīripo 3:4

ꞌĀhani te taŋata e tano rō ꞌana ki te mata o te ꞌAtua hai ŋā meꞌe ena, ko au ia te kope raꞌe mo tano ki tōꞌona mata.

ꞌEvereo 2:1

ꞌI te ai he parautiꞌa te ŋā meꞌe taꞌatoꞌa nei, e uꞌi e maꞌu riva-riva te roŋo ŋaroꞌa e tātou, ꞌo haka tapa mai te ara parautiꞌa o te ꞌAtua.