Ruka 8:14 - Rapa Nui

¹⁴ »Te kona mauku pū-pū era he tētahi nuꞌu haka roŋo i te roŋo riva-riva o te ꞌAtua. Te ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, he vavau te roŋo o te ꞌAtua ꞌe ꞌina e ko hua ꞌi roto i a rāua te meꞌe haŋa o te ꞌAtua.

Ruka 8:14 ပူးပေါင်းရင်းမြစ်များ

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Marko 4:19

Te meꞌe ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, te vānaŋa o te ꞌAtua he vavau, ꞌe e ko hua ꞌi roto i a rāua te meꞌe haŋa e te ꞌAtua.

Ruka 16:13

»Te taŋata e tahi e ko riva mo tāvini ki te kope e rua; ki te kope e tahi ka haŋa era ꞌe ki te rua ka riri era. He haꞌatura ki te kope e tahi ꞌe ki te rua e ko haꞌatura. Te auraꞌa: e ko tano kōrua mo tāvini ki te ꞌAtua ꞌe ki te moni».

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Ruka 8:13

»Te kona papa ꞌōꞌone taꞌe rahi era he tētahi nuꞌu ŋaroꞌa i te roŋo riva-riva o te ꞌAtua toꞌo hai koa i rā roŋo ki roto i te rāua māhatu. Te ꞌati nō, he haka moe o rāua i te manaꞌu ꞌi ruŋa i rā roŋo mo te hora nō e tahi ꞌe, ꞌi te hora o te haka ꞌatu, he rehu, pa he taꞌe hio-hio iŋa ena o te aka ꞌi te kona ꞌōꞌone taꞌe rahi.

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Ruka 8:7

»Tētahi o rā ŋā karu i vī-viri a te kona mauku pū-pū. I tupu era he vavau ꞌe he mate ꞌi te taiko o te mauku pū-pū.

Iovani 15:6

Te kope haka topa i a ia mai muri i a au pa he maŋa ko ko-koti ko hoa ꞌā. He paka-paka, he runu ꞌe he tutu ꞌi roto i te ahi.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

2 Timoteo 4:10

A Rema, ꞌi te haŋa rahi ki te meꞌe o te ao nei, ko hoa ꞌana i a au ꞌe ko oho ꞌana ki Tētārōnika. A Keretene ꞌai Karatia, ꞌe a Tito ꞌi Raramatia.

ꞌEvereo 6:1

ꞌO ira, e te taina ē, ꞌina tātou ko noho mau rō ꞌai ꞌi ruŋa i te hāpī raꞌe o ruŋa i te ⌊Kiritō⌋. Ki ꞌata hāpī ki oho tātou ꞌātā ka paꞌari rō ꞌi te meꞌe o te ꞌAtua, ꞌo teka-teka ꞌo oho nō tātou ꞌi ruŋa i te hāpī raꞌe era pe he hāpī o ruŋa i te huri iŋa o te manaꞌu ki te ꞌAtua, o ruŋa i te haka tapa iŋa mai roto i te meꞌe taꞌe tano maꞌu ki te mate, o ruŋa i te haka moe iŋa i te manaꞌu ꞌi ruŋa i a Ietū,