Ruka 8:13 - Rapa Nui

¹³ »Te kona papa ꞌōꞌone taꞌe rahi era he tētahi nuꞌu ŋaroꞌa i te roŋo riva-riva o te ꞌAtua toꞌo hai koa i rā roŋo ki roto i te rāua māhatu. Te ꞌati nō, he haka moe o rāua i te manaꞌu ꞌi ruŋa i rā roŋo mo te hora nō e tahi ꞌe, ꞌi te hora o te haka ꞌatu, he rehu, pa he taꞌe hio-hio iŋa ena o te aka ꞌi te kona ꞌōꞌone taꞌe rahi.

Ruka 8:13 ပူးပေါင်းရင်းမြစ်များ

Marko 6:20

A ꞌErore e riꞌa-riꞌa rō ꞌana i a Iovani. Ko ꞌite ꞌana he taŋata moꞌa ꞌe aŋa i te meꞌe tī-tika ki te mata o te ꞌAtua. ꞌO ira e hāpaꞌo era. He mira-mira nō te manaꞌu o ꞌErore e ŋaroꞌa era i te vānaŋa ꞌa Iovani. ꞌE, ka ai atu pē ira, ko te haka roŋo iŋa ꞌā hai māhatu.

Ruka 8:12

»Te kona ara era he tētahi nuꞌu ŋaroꞌa i rā roŋo, ꞌe, ka ai atu pē ira, e toꞌo nō e Rukifero mai roto i te rāua māhatu, pa he kai iŋa era e te manu i te karu, ꞌo ⌊haka moe i te manaꞌu⌋ ꞌi ruŋa ꞌe ꞌo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 8:14

»Te kona mauku pū-pū era he tētahi nuꞌu haka roŋo i te roŋo riva-riva o te ꞌAtua. Te ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, he vavau te roŋo o te ꞌAtua ꞌe ꞌina e ko hua ꞌi roto i a rāua te meꞌe haŋa o te ꞌAtua.

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Iovani 15:6

Te kope haka topa i a ia mai muri i a au pa he maŋa ko ko-koti ko hoa ꞌā. He paka-paka, he runu ꞌe he tutu ꞌi roto i te ahi.

Iovani 5:35

»Te meꞌe hāpī e Iovani pa he hakariꞌi haka māꞌeha i te kōrua manaꞌu, ꞌe i koa rō kōrua ꞌi rā hāpī ꞌi te ŋā mahana haka ꞌite atu era.

1 Kōrinto 13:2

ꞌE mo vānaŋa ōꞌoku ki te nuꞌu i te meꞌe haka ꞌite mai e te ꞌAtua, ꞌe mo aŋi-aŋi ōꞌoku i te meꞌe taꞌatoꞌa, ꞌātā i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā, ꞌe mo riva ōꞌoku mo haka tapa i te maꞌuŋa mai tōꞌona kona ꞌi te pūai o tōꞌoku haka moe iŋa i te manaꞌu ꞌi ruŋa i a Ietū, ꞌe ꞌina o roto i a au te meꞌe he haŋa ki te rua, ꞌina ia e tahi ōꞌoku hauhaꞌa.

1 Kōrinto 15:2

Hai roŋo nei i eꞌa ai kōrua mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua, ana maꞌu hio-hio kōrua pa he meꞌe haka ꞌite atu era e au. Mo taꞌe ai pē ira, ꞌina e tahi hauhaꞌa o te haka moe iŋa ena o kōrua i te manaꞌu ꞌi ruŋa i a Ietū.

Karatia 3:1

E te taina pūꞌoko hio-hio o Karatia ē, ¿ꞌa ꞌai kōrua i haka maꞌa-maꞌa atu? ꞌI roto i te hāpī iŋa atu era o mātou i haka ꞌite riva-riva atu ai ki a kōrua he aha te meꞌe i ravaꞌa e Ietū mo tātou hora mate era ōꞌona ꞌi ruŋa i te tātaurō.

Karatia 3:4

¿Ka kī ꞌō te meꞌe riva-riva taꞌatoꞌa topa atu era ki a kōrua mai te hora haka moe i te manaꞌu ꞌi ruŋa i a Ietū, ꞌina e tahi hauhaꞌa mo kōrua? ¡Pē hiva ꞌā ana taꞌe ai pē ira!

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Kōrosa 2:7

Pa he meꞌe hāpī atu ki a kōrua, e ꞌata hāpī e oho kōrua o ruŋa i a Ietū koia ko haꞌatura ki a ia, mo ꞌata hio-hio o te kōrua manaꞌu ꞌi ruŋa i a ia, pa he hio-hio iŋa ena o te tumu ꞌi te aka e nui-nui e oho ena a raro. ꞌE e māuru-uru e oho kōrua ki te ꞌAtua ꞌi tōꞌona riva rahi mo kōrua.

1 Tētārōnika 3:5

ꞌO ira, ꞌi te niva-niva o mātou ꞌo te taꞌe ꞌite mai hoki e haka moe e oho nō ꞌana kōrua i te manaꞌu ꞌi ruŋa i a Ietū, i uŋa atu ai au i a Timoteo mo ꞌite mai o ruŋa i a kōrua. Tōꞌoku riꞌa-riꞌa: ꞌo hoa kōrua i te kōrua haka moe iŋa i te manaꞌu ꞌi ruŋa i a Ietū ka haka ꞌatu atu ena i a kōrua e Rukifero, ꞌe ꞌo māuꞌa te mātou aŋa ꞌi roto i a kōrua.

ꞌEvereo 10:39

Taꞌe a tātou o roto i te nuꞌu haka tapa i te manaꞌu mai ruŋa i te ꞌAtua, nuꞌu te rāua hopeꞌa raꞌa he ūtuꞌa. A tātou o roto i te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua ꞌo te haka moe i te tātou manaꞌu ꞌi ruŋa i a ia.

Tanatiako 2:26

Mo haka mao o te vānaŋa: te hakari mo kore rō o te vārua o roto he meꞌe mate. Pē ira takoꞌa ꞌana te haka moe i te manaꞌu ꞌi ruŋa i te ꞌAtua he meꞌe mate mo taꞌe haka takeꞌa hai meꞌe riva-riva aŋa.

2 Pētero 2:20

Te nuꞌu eꞌa mai roto i te meꞌe taꞌe tano o te ao nei hai ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara, mo haka rē i a rāua mo haka tere haka ꞌou e rā ŋā meꞌe, ka hopeꞌa ena ꞌata peore ki tū roa raꞌe era.

2 Pētero 2:22

ꞌI ruŋa i a rāua i haka tano ai te parautiꞌa o te kī iŋa era pē nei ē: «He hoki he kai te paiheŋa i tōꞌona rua», ꞌe, «Te oru haka hopu iho he hoki he tū ꞌi roto i te rare-rare».

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.

Hura 1:12

Te nuꞌu ena he haꞌamā e tahi ꞌi te hora kai i te haraoa mo haka manaꞌu i te mate iŋa o Ietū. ꞌIna a rāua he moꞌa i te ŋoŋoro ena; te meꞌe aŋa nō he kai, he unu ꞌe he reka. Te nuꞌu ena pa he nuꞌu hāpaꞌo māmoe hāpaꞌo i a rāua mau nō, pa he raŋi vai kore maꞌu e te tokerau. ꞌE pa he tumu ꞌina he hua, ꞌina e tahi meꞌe riva-riva mo poreko mai roto i te nuꞌu ena. A rāua he meꞌe mate, pa he tumu ko oꞌi ꞌā a te aka ꞌe ko paka-paka ꞌana.