Ruka 7:9 - Rapa Nui

⁹ He māere a Ietū ꞌi tū vānaŋa era. He uꞌi ki te nuꞌu oho ꞌi muri i a ia, he kī: «ꞌĪ a au he kī atu: kai takeꞌa ꞌā e au e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei».

Ruka 7:9 ပူးပေါင်းရင်းမြစ်များ

Māteo 15:28

He kī ia e Ietū: —¡Ko te pūai i tuꞌu haka moe iŋa i te manaꞌu ꞌi ruŋa i a au! Ka ai pa he meꞌe haŋa ena e koe. ꞌE ꞌi rā hora mau ꞌā he ora tū poki era.

Māteo 8:10

I ŋaroꞌa era e Ietū i tū meꞌe era he māere rō atu ꞌai, ꞌe he kī ki te nuꞌu oho ꞌi muri i a ia: —Te parautiꞌa, kai piri mai ꞌana e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei.

Māteo 9:33

I haka eꞌa era e Ietū i rā tātane, he haꞌamata he vānaŋa rā taŋata. Te nuꞌu ko māere atu ꞌā e kī era: «¡ꞌIna kai takeꞌa ꞌā ki te hora hopeꞌa i te meꞌe tuꞌu pē nei ꞌi Itaraera!».

Ruka 7:10

I hoki era ia tū nuꞌu uŋa era, he takeꞌa ko ora ꞌana rā tāvini.

Ruka 7:50

He ꞌata kī ki rā viꞌe e Ietū: «Ko eꞌa ꞌana a koe mai roto i te hara, he haka moe ōꞌou i te manaꞌu ꞌi ruŋa i a au. Ka oho riva-riva».

Ruka 7:8

A au mau nei e ai rō ꞌana te taŋata ꞌata hau rō atu te tōroꞌa ki a au, ꞌe pē ira takoꞌa ꞌā e ai rō ꞌana te vaꞌehau ko au te kape. Mo kī ōꞌoku: “Ka oho”, he oho; ꞌe mo kī ōꞌoku mo oho mai, he oho mai; ꞌe mo kī ōꞌoku ki tōꞌoku tāvini mo aŋa e tahi meꞌe, he aŋa».