Ruka 7:6 - Rapa Nui

⁶ He eꞌa a Ietū he oho ꞌi muri i tū nuꞌu era. Ko hāhine ꞌana mo tuꞌu ananake ki te hare o tū kape era o te vaꞌehau rōmano, he piri te nuꞌu repahoa o rā kape i uŋa mo kī pē nei ē: «E Ietū, ꞌina koe ko haka rohi-rohi ko oho mai; ¿ko ai, paꞌi, a au mo uru mai ōꞌou ki roto i tōꞌoku hare?

Ruka 7:6 ပူးပေါင်းရင်းမြစ်များ

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Marko 5:24

He eꞌa a Ietū he oho ꞌi muri i a Hairo, ꞌe meꞌe rahi nuꞌu i oho takoꞌa. ꞌE ꞌi te rahi, ko piri ꞌā e oho era ananake.

Ruka 5:8

I takeꞌa era e Tīmona, kī takoꞌa ko Pētero, i tū meꞌe era, he tū-turi ꞌi muꞌa o Ietū he kī: —¡E Ietū, ka oho koe mai muri i a au; he taŋata hara a au!

Ruka 7:4

I tuꞌu era rā nuꞌu ki muri i a Ietū, he kī: «E Ietū, te kape rōmano uŋa mai i a mātou he taŋata e tano rō ꞌā mo hāꞌūꞌū e koe.

Ruka 7:5

A ia e haŋa rahi rō mai ꞌana ki a tātou ki te itaraera; ꞌāꞌana i haka aŋa i te tātou ⌊hare pure hūrio⌋».

Ruka 7:7

ꞌO ira i taꞌe oho atu ai e au mau ꞌā. Ko ꞌite ꞌana e au mo kī ōꞌou: “Ka ora”, he ora tōꞌoku tāvini.

Ruka 8:49

E vānaŋa nō ꞌana a Ietū i tuꞌu ai te roŋo ꞌe he kī ki tū taŋata pūꞌoko haka tere era o te hare pure hūrio: —Ko mate ꞌana taꞌa poki; ꞌina ko maꞌu tahaŋa te Maꞌori.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Tanatiako 4:10

E riro kōrua he nuꞌu ꞌite pē nei ē: mo kore o te ꞌAtua ꞌina e tahi kōrua auraꞌa, ki haka hōnui atu ai kōrua e ia.

Tanatiako 4:6

ꞌE te ꞌAtua, ꞌi tōꞌona riva rahi, e hāꞌūꞌū rō mai ꞌā. E kī rō ꞌana, paꞌi, ꞌi ruŋa i te Pāpaꞌi Moꞌa: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».