Ruka 7:42 - Rapa Nui

⁴² ꞌI te meꞌe ꞌina he moni o rāua mo haka hoki o tū tārahu era, he haka rehu e rā taŋata vaꞌai era i te moni. Ki tuꞌu manaꞌu, e Tīmona ē, ¿ko ai o roto i te ŋāŋata era mo ꞌata haŋa ki te taŋata haka tārahu era i te moni?

Ruka 7:42 ပူးပေါင်းရင်းမြစ်များ

Māteo 18:27

»He haka ꞌaroha te ꞌariki, he haka rehu i rā tārahu ꞌe he haka rē mo oho.

Māteo 18:34

»ꞌE, ꞌi te riri o te ꞌariki, he kī mo haka ūtuꞌa ꞌātā ka ꞌauhau tahi rō i tū tārahu era ōꞌona.

Māteo 6:12

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua.

Ruka 7:43

He pāhono e Tīmona: —Ki tōꞌoku manaꞌu, ko te taŋata ꞌata rahi era o te tārahu. He kī e Ietū: —He aŋi ꞌā tāꞌau.

Rōmano 3:24

ꞌE, hai riva rahi mau nō ōꞌona, e kī ena e te ꞌAtua e tano rō ꞌana ki tōꞌona mata te taŋata haka moe i te manaꞌu ꞌi ruŋa i a Ietū, taꞌe ꞌō pē nei ē: e aŋa tātou e tahi meꞌe mo ꞌauhau ki a ia. E ai ena pē ira ꞌo te ai ko ꞌamo ꞌana e Ietū ꞌi ruŋa i a ia i te ūtuꞌa o te tātou hara.

Rōmano 5:6

Hora era ꞌina he rāveꞌa toe o tātou o te taŋata mo eꞌa mai roto i te hara, i mate ai te ⌊Kiritō⌋ mo tātou, hora kī mau era ꞌā mo mate.

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

Ēfeto 4:32

E ai kōrua he nuꞌu riva, māhatu ꞌaroha, ꞌite i te haka rehu i te meꞌe taꞌe tano aŋa atu e te rua, pa he haka rehu iŋa era e te ꞌAtua i te kōrua hara hai Ietū Kiritō.

Kōrosa 3:13

ꞌIna kōrua ko hōrou ko riri mo te rua; e haka rehu te meꞌe taꞌe tano aŋa atu. Pa he haka rehu iŋa e te ꞌAtua i te kōrua hape, pē ira ana haka rehu takoꞌa i te hape o te rua.