Ruka 7:37 - Rapa Nui

³⁷ he tuꞌu te viꞌe taiꞌo o rā kona ꞌi te ꞌite e kai ꞌā a Ietū ꞌi rā hare. E maꞌu rō ꞌā rā viꞌe i te ipu aŋa hai māꞌea nehe-nehe ko ꞌī ꞌā e te manoꞌi.

Ruka 7:37 ပူးပေါင်းရင်းမြစ်များ

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Ruka 18:13

»ꞌE tū kope haka ꞌauhau moni era mo te rōmano, i haka ꞌava-ꞌava i māroa ai ꞌe a raro ꞌā te mata e uꞌi era, he tiŋi-tiŋi koroꞌiti i tōꞌona uma koia ko kī: “¡E te ꞌAtua ē! ¡Ka haka ꞌaroha mai koe; he taŋata hara a au!”.

Ruka 19:7

I takeꞌa era e te taŋata, he haꞌamata he hēŋuꞌi-ŋuꞌi o ruŋa i a Ietū pē nei ē: «Ko oho ꞌā noho ꞌi te hare o te taŋata hara».

Ruka 5:30

Te fariseo ꞌe te maꞌori o te haka tere hūrio he haꞌamata he hēŋuꞌi-ŋuꞌi ꞌe he kī ki te nuꞌu hāpī ꞌa Ietū: —¿He aha a kōrua e kai ꞌe e unu ena ꞌi muri i te ⌊nuꞌu haka ꞌauhau i te taŋata hai moni mo te rōmano⌋ ꞌe ꞌi muri i te tētahi nuꞌu hara?

Ruka 5:32

A au i oho mai ai taꞌe ki te nuꞌu taꞌe hara; ki te nuꞌu hara a au i oho mai ai mo haka huri i te manaꞌu ki te ꞌAtua.

Ruka 7:34

He tuꞌu mai ia te ⌊Poki o te taŋata⌋ e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te nuꞌu haka ꞌauhau i te taŋata hai moni mo te rōmano.

Ruka 7:36

E tahi mahana he kī ki a Ietū e te fariseo e tahi mo oho mo kai ꞌi tōꞌona hare. He oho ia a Ietū. E noho nō ꞌā ꞌi ruŋa i te ꞌamuramaꞌa,

Iovani 11:2

Ko te Māria nei te Māria huri era i te vaꞌe o Ietū hai manoꞌi ꞌe ꞌai ka haroꞌi hai rauꞌoho.

Iovani 9:24

He haka uŋa haka ꞌou e rā nuꞌu ra-rahi era mo oho o tū taŋata ora era o te mata, he kī: —Ka hōrea ꞌi muꞌa o te ꞌAtua he kī mai koe i te parautiꞌa o ruŋa i tū taŋata haka ora atu era i a koe. E ꞌite rō ꞌana, paꞌi, e mātou he taŋata hara a ia.

Iovani 9:31

Ko ꞌite riva-riva ꞌā a tātou: te ꞌAtua ꞌina he haka roŋo ki te nuꞌu hara; e haka roŋo ena ki te nuꞌu haꞌamuri ki a ia ꞌe aŋa i tāꞌana meꞌe haŋa.

Rōmano 5:8

Oho iŋa kē ia to te ꞌAtua; hora era ꞌi roto i te hara ꞌana a tātou, i uŋa nō mai i te Kiritō mo mate mo ꞌauhau o te tātou hara. Pē ira i haka takeꞌa mai ai ki a tātou i tōꞌona haŋa.

1 Timoteo 1:15

Te vānaŋa ena e kī ena: a Ietū Kiritō i tuꞌu mai ai ki te ao mo haka eꞌa i te nuꞌu mai roto i te ūtuꞌa o te hara, he parautiꞌa, ꞌe te taŋata taꞌatoꞌa e haka noho i te rāua manaꞌu ꞌi ruŋa. ꞌE o te nuꞌu hara, ko au te ꞌata taparahi-taꞌata.

1 Timoteo 1:9

ꞌE ko ꞌite takoꞌa ꞌā e tātou ꞌina kai pāpaꞌi e tahi roŋo mo te nuꞌu aŋa i te meꞌe riva-riva. Te roŋo i pāpaꞌi ai mo te nuꞌu haka ꞌāriŋa, mo te nuꞌu taꞌe haka roŋo, mo te nuꞌu taparahi-taꞌata, mo te nuꞌu hara, mo te nuꞌu taꞌe ꞌite i te moꞌa i te ꞌAtua ꞌe i tāꞌana hāpī parautiꞌa, mo te nuꞌu tiŋaꞌi haka mate i tōꞌona matuꞌa tane ꞌe matuꞌa vahine, mo te nuꞌu taꞌatoꞌa tiŋaꞌi haka mate i te taŋata,

1 Pētero 4:18

Mo haꞌatiꞌa o te ꞌAtua mo topa o te ꞌati ꞌātā ꞌi ruŋa i te nuꞌu tano ki tōꞌona mata ꞌi raꞌe ki te toꞌo i a rāua ki te raŋi, ¿he aha rā nei te meꞌe ka topa ena ki te taŋata hara taꞌe moꞌa i a ia?