Ruka 7:34 - Rapa Nui

³⁴ He tuꞌu mai ia te ⌊Poki o te taŋata⌋ e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te nuꞌu haka ꞌauhau i te taŋata hai moni mo te rōmano.

Ruka 7:34 ပူးပေါင်းရင်းမြစ်များ

Māteo 11:19

He tuꞌu mai ia te ⌊Poki o te taŋata⌋, e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te ⌊nuꞌu haka ꞌauhau i te taŋata hai moni mo te rōmano⌋. Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Māteo 9:11

I takeꞌa era i rā meꞌe e te ⌊fariseo⌋, he ꞌui ki te nuꞌu hāpī ꞌa Ietū: —¿He aha te kōrua maꞌori e kai ena ananake ko te nuꞌu haka ꞌauhau i te taŋata hai moni mo te rōmano ꞌe ananake ko te tētahi haka ꞌou atu nuꞌu hara?

Ruka 11:37

I oti era te vānaŋa ꞌa Ietū, he kī e te taŋata fariseo e tahi mo oho mo kai ꞌi tōꞌona hare. I tuꞌu era a Ietū, he uru he noho ꞌi ruŋa i te ꞌamuramaꞌa.

Ruka 14:1

ꞌI te ⌊mahana haka ora⌋ e tahi, he oho a Ietū he kai ꞌi te hare o te ⌊fariseo⌋ ra-rahi e tahi, ꞌe tētahi nuꞌu fariseo ꞌai e uꞌi era koiꞌite e aŋa rō a Ietū i te meꞌe ꞌina he tano ki te rāua haka tere iŋa.

Ruka 15:2

Te ⌊fariseo⌋ ꞌe te nuꞌu ⌊maꞌori o te haka tere hūrio⌋ e vānaŋa taꞌe au rō ꞌā mo Ietū pē nei ē: «Te meꞌe haŋa o te kope era he piri ki te nuꞌu hara ꞌe he kai ꞌi muri».

Ruka 19:7

I takeꞌa era e te taŋata, he haꞌamata he hēŋuꞌi-ŋuꞌi o ruŋa i a Ietū pē nei ē: «Ko oho ꞌā noho ꞌi te hare o te taŋata hara».

Ruka 5:29

I oho era he aŋa e Rēvī i te ŋoŋoro nui-nui mā Ietū ꞌi tōꞌona hare. Meꞌe rahi taŋata haka ꞌauhau i te nuꞌu hai moni mo te rōmano koia ko te tētahi atu nuꞌu e noho rō ꞌana ꞌi ruŋa i te ꞌamuramaꞌa ananake ko kuā Ietū.

Ruka 7:33

»Te auraꞌa: ko tuꞌu mai ꞌana a Iovani Papatito e tapu rō ꞌana i te kai ꞌe ꞌina he unu i te ꞌava; i kī ai e kōrua ko oꞌo ꞌana e te tātane.

Ruka 7:35

Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Ruka 7:36

E tahi mahana he kī ki a Ietū e te fariseo e tahi mo oho mo kai ꞌi tōꞌona hare. He oho ia a Ietū. E noho nō ꞌā ꞌi ruŋa i te ꞌamuramaꞌa,

Iovani 12:2

ꞌI ira i aŋa ai e tahi kai nui-nui mā Ietū. A Maratuka e tuhaꞌa ꞌā i te kai, ꞌe a Rātaro ꞌi ruŋa i te ꞌamuramaꞌa e kai ꞌā ananake ko kuā Ietū.

Iovani 2:2

ꞌI ira takoꞌa a Ietū ananake ko tāꞌana nuꞌu hāpī.