Ruka 7:33 - Rapa Nui

³³ »Te auraꞌa: ko tuꞌu mai ꞌana a Iovani Papatito e tapu rō ꞌana i te kai ꞌe ꞌina he unu i te ꞌava; i kī ai e kōrua ko oꞌo ꞌana e te tātane.

Ruka 7:33 ပူးပေါင်းရင်းမြစ်များ

Māteo 10:25

Te meꞌe topa ki te maꞌori hāpī e ko taꞌe topa takoꞌa ki tāꞌana nuꞌu hāpī, ꞌe te meꞌe topa ki te taŋata ꞌāꞌana te haka aŋa e ko taꞌe topa takoꞌa ki tōꞌona tāvini. Mo kī mai e te nuꞌu ki a au ko ⌊Veresepupa⌋, pē ira takoꞌa ꞌā ka kī atu ena ki a kōrua ki tāꞌaku nuꞌu hāpī.

Māteo 3:1

ꞌI te mahana e tahi ia he tuꞌu a Iovani Papatito ki te kona ꞌone taꞌe noho taŋata o Hūrea.

Māteo 3:4

Te kahu uru o Iovani hai huru-huru kameio i aŋa ai, ꞌe hai pena kiri e here era; e kai era hai meꞌe tuꞌu pa he pereteꞌi ꞌe hai meri ravaꞌa o ruŋa o te maꞌuŋa.

Marko 1:6

Te kahu uru o Iovani i aŋa ai hai huru-huru kameio ꞌe hai pena kiri e here era. Hai manu tuꞌu pa he pereteꞌi ꞌe hai meri ravaꞌa o rā kona e kai era.

Ruka 1:15

E riro rō a ia he kope hōnui e tahi ki te mata o te ꞌAtua. ꞌIna e ko unu i te ꞌava, ꞌe mai te hora ꞌi roto i te manava ꞌā, ka ai ena ꞌi ruŋa i a ia te pūai o te ⌊Vārua Maitai⌋.

Ruka 7:32

A rāua pa he ŋā poki ko-kori ꞌi te kona e tahi. He ohu e tētahi o rā ŋā poki ki te tētahi atu o rāua pē nei ē: “Ko haka taŋi atu ꞌana a mātou i te peho reka, ꞌina a kōrua kai ꞌori. Ko hīmene atu ꞌana a mātou i te hīmene haka ꞌaroha, ꞌina takoꞌa a kōrua kai ta-taŋi”.

Ruka 7:34

He tuꞌu mai ia te ⌊Poki o te taŋata⌋ e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te nuꞌu haka ꞌauhau i te taŋata hai moni mo te rōmano.

Iovani 10:20

Nuꞌu rahi te nuꞌu o rāua i kī: «¿He aha kōrua e haka roŋo ena? Ko oꞌo ꞌana, hoꞌi, rā e te tātane ꞌe ko maꞌa-maꞌa ꞌana».

Iovani 8:48

He kī ia e te hūrio ra-rahi: —¿Ko takeꞌa ꞌā? He aŋi mau ꞌā te mātou meꞌe kī: o ⌊Tāmāria⌋ koe ꞌe ꞌi roto i a koe te tātane.

Iovani 8:52

He pāhono e te hūrio: —Ko tano mau ꞌā te manaꞌu o mātou: nā ꞌi roto i a koe te tātane. A ꞌAparahama, paꞌi, ananake ko te perofeta taꞌatoꞌa ko mā-mate tahi ꞌana, ꞌe, ¿nā koe e kī ꞌā te kope haka roŋo i taꞌa vānaŋa, ꞌina e ko mate?

Aŋa o te ꞌĀpōtoro 2:13

ꞌĪ ia te tētahi o rā nuꞌu e haka meꞌe-meꞌe era pē nei ē: «¡Ko taꞌero tahi ꞌana!».