Ruka 7:29 - Rapa Nui

²⁹ »Te nuꞌu taꞌatoꞌa ŋaroꞌa i a Iovani, ꞌātā ki te ⌊nuꞌu haka ꞌauhau i te nuꞌu hai moni mo te rōmano⌋, i haka ⌊papatito⌋ rō i a rāua ki a Iovani mo haka tano ki te meꞌe hāꞌaki e te ꞌAtua.

Ruka 7:29 ပူးပေါင်းရင်းမြစ်များ

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Ruka 20:6

ꞌE, e ko tano mo kī o tātou: “O te taŋata i uŋa mai”, ꞌo tamaꞌi mai e te nuꞌu hai māꞌea ki te mate. Ki te rāua manaꞌu, paꞌi, a Iovani he perofeta».

Ruka 3:12

Tētahi o te ⌊nuꞌu haka ꞌauhau i te taŋata hai moni mo te rōmano⌋ he haka hāhine takoꞌa mo papatito i a rāua ꞌe he ꞌui: —E te Maꞌori, ¿he aha te mātou meꞌe mo aŋa?

Ruka 7:28

He kī haka ꞌou e Ietū: «ꞌIna e tahi taŋata o roto i te taŋata taꞌatoꞌa ꞌata hōnui ki a Iovani; ꞌe, ka ai atu pē ira, te taŋata haka rē i a ia mo haka tere e te ꞌAtua i hau rō atu ki a Iovani, ka ai atu he taŋata hauhaꞌa-ꞌore ki te mata o te taŋata.

Ruka 7:35

Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Aŋa o te ꞌĀpōtoro 18:25

Ko hāpī ꞌā o ruŋa o te ara o te ꞌAtua. E vānaŋa era hai māhatu ꞌe hai tī-tika o ruŋa i a Ietū, ka ai atu tāꞌana meꞌe ꞌite ko te meꞌe hāpī nō era e ⌊Iovani⌋ hora papatito era i te taŋata.

Aŋa o te ꞌĀpōtoro 19:3

He ꞌui haka ꞌou e Pauro: —I ⌊papatito⌋ era i a kōrua, ¿ꞌi ruŋa i te aha kōrua i haka noho ai i te manaꞌu? He pāhono e rā nuꞌu: —ꞌI ruŋa i te hāpī ꞌa Iovani Papatito.

Rōmano 10:3

Mo rāua, paꞌi, taꞌe he parautiꞌa te rāveꞌa vaꞌai e te ꞌAtua mo tano o te taŋata ki tōꞌona mata. ꞌO ira e aŋa ena hai rāveꞌa mau ꞌana o rāua, ꞌe ꞌina he haŋa ki te rāveꞌa vaꞌai e te ꞌAtua.

Meꞌe Haka Takeꞌa 15:3

E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.

Meꞌe Haka Takeꞌa 16:5

I oho era he ŋaroꞌa e au i te merahi hāpaꞌo vai e kī ꞌā ki te ꞌAtua: «E te ꞌAtua moꞌa ē, ꞌAtua o te hora nei ꞌe o muꞌa ꞌā, ko tano ꞌana koe i haka ūtuꞌa ena i te taŋata.