Ruka 7:25 - Rapa Nui

²⁵ ꞌE mo ai taꞌe pē ira, ¿pē hē? ¿He taŋata uru i te kahu hopeꞌa o te riva-riva? Ko ꞌite ꞌana, paꞌi, e kōrua: te nuꞌu uru i te kahu hopeꞌa o te riva-riva ꞌe ꞌina e tahi rāua meꞌe haŋa toe e noho ena ꞌi te hare o te ꞌariki.

Ruka 7:25 ပူးပေါင်းရင်းမြစ်များ

Māteo 11:8

ꞌE mo taꞌe ai pē ira, ¿pē hē? ¿He taŋata uru i te kahu hopeꞌa o te riva-riva? Ko ꞌite ꞌana, paꞌi, e kōrua: te nuꞌu uru i te kahu hopeꞌa o te riva-riva ꞌi te hare o te ꞌariki.

Māteo 3:4

Te kahu uru o Iovani hai huru-huru kameio i aŋa ai, ꞌe hai pena kiri e here era; e kai era hai meꞌe tuꞌu pa he pereteꞌi ꞌe hai meri ravaꞌa o ruŋa o te maꞌuŋa.

Māteo 6:29

Ka ai atu pē ira, ꞌina kai ai ꞌā e tahi kope i uru i te kahu hopeꞌa o te nehe-nehe pē rā ŋā tiare, korohaŋa te ꞌariki ꞌono era ko ⌊Toromono⌋.

Ruka 16:19

»E ai rō ꞌā e tahi taŋata ꞌono; e uru era hai kahu hopeꞌa o te riva-riva. Paurō te mahana e aŋa era i te ŋoŋoro nui-nui.

Ruka 7:24

I hoki era tū nuꞌu uŋa era e Iovani, he haꞌamata a Ietū he vānaŋa ki te nuꞌu o ruŋa i a Iovani Papatito, he kī: «Hora oho uꞌi era o kōrua i te kope tātara ꞌi te kona ꞌone taꞌe noho e te taŋata, ¿pē hē te huru o rā kope i manaꞌu ai e kōrua? ¿He taŋata taꞌe tī-tika o te manaꞌu, haka rē i a ia mo haka tere e te rua, pa he ꞌohe e ue-ue ena e te tokerau?

Ruka 7:26

Ki te kōrua kī, ¿he aha te kōrua meꞌe oho uꞌi era? ¿He perofeta? He aŋi ꞌā. ꞌE ꞌī a au he kī atu: he kope ꞌata hau ki te perofeta.