Ruka 7:22 - Rapa Nui

²² He kī e Ietū ki tū nuꞌu uŋa era e Iovani: —Ka hoki ka ꞌaꞌamu ki a Iovani i te meꞌe takeꞌa ꞌe ŋaroꞌa e kōrua: Ko māꞌeha ꞌā te mata o te nuꞌu matapō, ko haꞌere riva-riva ꞌā te nuꞌu vaꞌe koke. Ko ora ꞌana te nuꞌu māui-ui rēpera, ko ŋaroꞌa ꞌana te vānaŋa e te nuꞌu tariŋa pō. Ko ora mai ꞌā te nuꞌu mai te mate, ꞌe ko haka ꞌite ꞌana i te ⌊roŋo riva-riva o te ꞌAtua⌋ ki te nuꞌu veve.

Ruka 7:22 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 21:14

He haka hāhine ia te nuꞌu matapō ꞌe te nuꞌu vaꞌe koke ki a Ietū ꞌi roto, ꞌe he haka ora e ia.

Ruka 4:18

«ꞌI ruŋa i a au te Vārua o te ꞌAtua, ꞌo te ai ko haꞌataꞌa ꞌana i a au mo maꞌu i te roŋo riva-riva ꞌāꞌana ki te nuꞌu veve. Ko uŋa mai ꞌā mo haka ꞌite ki te nuꞌu puru e ai rō ꞌā te rāveꞌa mo eꞌa o rāua mai roto i te ꞌati. Ko uŋa takoꞌa mai ꞌana i a au mo haka māꞌeha i te mata o te nuꞌu matapō, mo haka eꞌa i te nuꞌu mai te rima o te nuꞌu tōtōā i a rāua,

Ruka 7:21

ꞌI rā hora e haka ora ꞌana e Ietū meꞌe rahi māui-ui ꞌe maꞌi o te nuꞌu, e haka eꞌa ꞌā i te tātane, ꞌe e haka ora ꞌā i te mata o te nuꞌu matapō.

Ruka 7:23

E kī takoꞌa: «¡Ko te koa i te taŋata ꞌina he ꞌaka-ꞌaka e haka moe ena i te manaꞌu ꞌi ruŋa i a au!».

Iovani 1:46

He kī e Natanaera: —¿E eꞌa mau rō mai e tahi meꞌe riva-riva mai Nātāreta? He pāhono e Feripe: —Ka oho mai, ka uꞌi e koe mau ꞌā hai mata.

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

Aŋa o te ꞌĀpōtoro 8:7

Meꞌe rahi taŋata uru e te tātane i haka ora e Feripe, i kiki-kikiu i eꞌa ai rā ŋā tātane. ꞌE, takoꞌa, meꞌe rahi nuꞌu hakari taꞌe makenu ꞌe vaꞌe koke i haka ora e ia.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.