Ruka 7:17 - Rapa Nui

¹⁷ Te taŋata taꞌatoꞌa o Hūrea ꞌe o te kona taꞌatoꞌa hāhine ki ira he ꞌite o ruŋa i tū meꞌe aŋa era e Ietū.

Ruka 7:17 ပူးပေါင်းရင်းမြစ်များ

Māteo 2:1

A Ietū i poreko ai ꞌi Vērene, he kona e tahi o Hūrea, ꞌi te noho iŋa ko ⌊ꞌErore⌋ te ꞌariki o rā kona. ꞌI rā ŋā mahana i tuꞌu ai ki Hērutarema, mai te pāꞌiŋa eꞌa o te raꞌā, te nuꞌu maꞌori hāpī i te hetuꞌu.

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Māteo 9:26

ꞌI te taꞌatoꞌa nō kona o ira i ꞌite ai o ruŋa i tū parau ꞌāpī era.

Māteo 9:31

ꞌE, ka ai atu pē ira, te meꞌe raꞌe i aŋa i eꞌa ai mai rā kona, he ꞌaꞌamu a te kona taꞌatoꞌa i tū meꞌe aŋa era e Ietū.

Marko 1:28

ꞌE kai roa te parau ꞌāpī o ruŋa i a Ietū i tuꞌu ai ki te kona taꞌatoꞌa o Karirea.

Marko 6:14

Te ꞌariki ko ⌊ꞌErore⌋ ko ŋaroꞌa ꞌā i te vānaŋa o ruŋa i a Ietū. ꞌI te kona taꞌatoꞌa, paꞌi, e vānaŋa era te nuꞌu o ruŋa. Tētahi e kī era: «Ko Iovani Papatito ko ora ꞌā mai te mate, ꞌo ira e pūai era mo aŋa i te mana».

Ruka 4:14

He hoki ia a Ietū ki Karirea ko ꞌī ꞌā e te pūai o te Vārua Maitai. ꞌI ira ꞌe ꞌi te kona taꞌatoꞌa hāhine e vānaŋa rō ꞌā te nuꞌu o ruŋa i a Ietū.

Ruka 7:14

He haka hāhine ia ki te pāpaku, he ꞌa-ꞌaru i te raŋo ꞌe he noho te nuꞌu tupa. He kī e Ietū ki tū kope mate era: «E haŋu, ki a koe a au e kī atu ena: ¡Ka eꞌa ki ruŋa!».