Ruka 7:16 - Rapa Nui

¹⁶ I takeꞌa era e te nuꞌu i tū meꞌe era, he māere ananake ꞌe he haꞌahana-hana i te ꞌAtua he kī: «ꞌĪ te perofeta nui-nui e tahi ꞌi roto i a tātou». ꞌE he kī takoꞌa: «Ko tuꞌu mai ꞌana te ꞌAtua mo hāꞌūꞌū ki tōꞌona taŋata».

Ruka 7:16 ပူးပေါင်းရင်းမြစ်များ

Māteo 15:31

He māere te taŋata ꞌi te takeꞌa i te nuꞌu taꞌe vānaŋa ko vānaŋa ꞌā, i te nuꞌu rima rehe-rehe ko ora ꞌana, i te nuꞌu vaꞌe koke ko haꞌere ꞌā ꞌe i te nuꞌu matapō ko takeꞌa ꞌana. ꞌE he haꞌamata rō ꞌai he haꞌahana-hana ki te ꞌAtua o te itaraera.

Māteo 21:11

ꞌE he pāhono e te nuꞌu oho ꞌi muri i a Ietū: —Ko Ietū, he perofeta o Nātāreta, he kona e tahi o Karirea.

Māteo 28:8

He oho tū ŋā viꞌe era mai rā kona e horo-horou rō ꞌā koia ko riꞌa-riꞌa ꞌe ko koa haka ꞌite i tū parau ꞌāpī era ki te nuꞌu hāpī ꞌa Ietū.

Māteo 9:8

I takeꞌa era e te nuꞌu i tū meꞌe era, he riꞌa-riꞌa ꞌe he haꞌahana-hana ki te ꞌAtua ꞌo te vaꞌai i te pūai pē ira ki te taŋata.

Ruka 1:65

I uꞌi era e rā nuꞌu ko vānaŋa haka ꞌou ꞌā, he riꞌa-riꞌa tahi rō ꞌai, ꞌe te nuꞌu taꞌatoꞌa noho o te kona maꞌuŋa o Hūrea i ꞌite takoꞌa rō i rā meꞌe.

Ruka 1:68

«¡Ko te nui-nui i te ꞌAtua o te itaraera ꞌo te oho mai mo toꞌo i tōꞌona taŋata mai roto i te rake-rake!

Ruka 19:44

E haka pararaha rō i a koe, e tiŋaꞌi rō i taꞌa ŋā poki, ꞌe te māꞌea taꞌatoꞌa titi i a koe e haka marere tahi rō, he taꞌe aŋi-aŋi ōꞌou i te hora tuꞌu mai o te ꞌAtua mo haka ora atu i a koe».

Ruka 2:20

He hoki he oho tū nuꞌu hāpaꞌo māmoe era koia ko haꞌahana-hana i te ꞌAtua o ruŋa i te meꞌe ŋaroꞌa ꞌe takeꞌa e rāua; ko tano tahi ꞌana, paꞌi, pa he meꞌe kī era e te merahi.

Ruka 24:19

He ꞌui e Ietū: —¿He aha rā te meꞌe i topa? He kī e rā nuꞌu: —He meꞌe i topa ki a Ietū o Nātāreta. A ia he perofeta pūai e tahi ki te mata o te ꞌAtua ꞌe ki te taŋata taꞌatoꞌa hai meꞌe aŋa ꞌe vānaŋa e ia.

Ruka 5:26

He māere te nuꞌu taꞌatoꞌa o rā kona koia ko riꞌa-riꞌa; he haꞌahana-hana ki te ꞌAtua ꞌe he kī: «¡ꞌI ꞌaŋarīnā i takeꞌa ai e tātou i te meꞌe hopeꞌa o te nui-nui!».

Ruka 5:8

I takeꞌa era e Tīmona, kī takoꞌa ko Pētero, i tū meꞌe era, he tū-turi ꞌi muꞌa o Ietū he kī: —¡E Ietū, ka oho koe mai muri i a au; he taŋata hara a au!

Ruka 7:15

He eꞌa ia tū kope era ki ruŋa he noho ꞌe he haꞌamata he vānaŋa. He haka hoki e Ietū ki tōꞌona matuꞌa vahine.

Ruka 7:39

I takeꞌa era e tū taŋata fariseo era, tē rā ka manaꞌu: «ꞌĀhani te kope era he perofeta, ko aŋi-aŋi ꞌana: te viꞌe era he viꞌe hara».

Ruka 8:37

He haꞌamata he ani e te nuꞌu taꞌatoꞌa o Hērata ki a Ietū mo oho mai rā kona, he riꞌa-riꞌa o rāua. He eke ia a Ietū ki ruŋa ki te vaka ꞌe he eꞌa he oho rō ꞌai.

Ruka 9:19

He pāhono e rā nuꞌu: —E ai rō ꞌā te nuꞌu kī ko Iovani Papatito, e ai rō ꞌana te tētahi nuꞌu kī ko ꞌĒria, ꞌe e ai takoꞌa rō ꞌana te nuꞌu kī he perofeta haka ꞌou e tahi o te ŋā perofeta era o muꞌa ꞌā ora mai mai te mate.

Iovani 1:21

He ꞌui haka ꞌou: —¿Ko ai ia a koe? ¿Ko te perofeta era ko ꞌĒria? He kī e Iovani: —Taꞌe a au ko ia. He ꞌata ꞌui e tū nuꞌu era: —¿Ko koe ia te perofeta era mo oho mai? He pāhono: —ꞌIna.

Iovani 1:25

He ꞌui e rā nuꞌu: —Mo ai ia taꞌe koe he Kiritō, taꞌe koe ko ꞌĒria, ꞌe taꞌe takoꞌa koe he perofeta, ¿he aha ia koe e ⌊papatito⌋ ena?

Iovani 4:19

I ŋaroꞌa era e rā viꞌe i tū meꞌe era, he pāhono: —Ki tōꞌoku uꞌi he perofeta koe.

Iovani 6:14

I takeꞌa era e te taŋata i tū mana aŋa era e Ietū he kī: «He aŋi mau ꞌana ꞌō ko te kope ena te perofeta era mo oho mai ki te ao nei».

Iovani 9:17

ꞌe he ꞌui haka ꞌou ki tū taŋata era: —Ki tuꞌu manaꞌu, ¿ko ai rā taŋata? Nā, paꞌi, ko haka ora atu ꞌana i tuꞌu mata. He pāhono e rā taŋata: —Mōꞌoku he perofeta.

Aŋa o te ꞌĀpōtoro 5:5

I ŋaroꞌa era e ꞌĀnānia, he ꞌamo ki raro he mate, i haka ūtuꞌa e te ꞌAtua. He riꞌa-riꞌa rō atu ꞌai te nuꞌu taꞌatoꞌa ꞌite o ruŋa i rā meꞌe.

Aŋa o te ꞌĀpōtoro 7:37

»Ko te Mōtē mau nei ꞌā te meꞌe kī era ki te itaraera: “E haꞌataꞌa rō e te ꞌAtua mai roto i a kōrua e tahi perofeta pa he haꞌataꞌa iŋa nei i a au”.

Karatia 1:24

ꞌE ꞌi te parau ꞌāpī era o ruŋa i a au, i haꞌahana-hana ai rā nuꞌu ki te ꞌAtua.