Ruka 7:13 - Rapa Nui

¹³ I takeꞌa era e Ietū i rā viꞌe, he haka ꞌaroha ꞌe he kī: «ꞌIna koe ko taŋi».

Ruka 7:13 ပူးပေါင်းရင်းမြစ်များ

Marko 8:2

—Ko haka ꞌaroha ꞌana a au ꞌi te nuꞌu nei; ka toru mahana o rāua ꞌi muri i a tātou ꞌe ꞌina he meꞌe toe o rāua mo kai.

Ruka 10:1

I oti era he haꞌataꞌa e Ietū e hitu ꞌahuru mā piti nuꞌu hāpī haka ꞌou ꞌāꞌana, ꞌai ka uŋa hoko rua hoko rua ꞌi raꞌe ki a ia ki te kona taꞌatoꞌa ōꞌona ka tuꞌu era

Ruka 11:1

E tahi mahana e pure ꞌana a Ietū. I oti era he kī e tahi o roto o tāꞌana nuꞌu hāpī: —E Ietū, ka hāpī mai koe i a mātou pē hē ana pure; a Iovani Papatito, paꞌi, i hāpī rō i te pure ki tāꞌana nuꞌu hāpī.

Ruka 11:39

He kī ia e Ietū: —A kōrua te fariseo e haka tuꞌu rō ꞌana pa he nuꞌu tano ki te mata o te ꞌAtua, ꞌe te parautiꞌa, te kōrua roto e ꞌī rō ꞌā e te meꞌe ꞌino ꞌe e te pohe mo toke, pa he hapaina ꞌo pa he mareti tata e kōrua a te haho nō.

Ruka 12:42

He kī e Ietū: —E ai kōrua pa he tāvini haꞌatura ꞌe haka roŋo, haka pūꞌoko e te taŋata haka aŋa i a ia mo tuhaꞌa i te kai, ꞌi tōꞌona hora, ki te tētahi tāvini o te hare.

Ruka 13:15

He pāhono e Ietū: «E te taŋata riva a te haho ē, ¿ꞌina ꞌō kōrua he ve-vete i te ꞌuei ꞌo i te muni ꞌi te mahana haka ora ꞌe he maꞌu he haka unu hai vai?

Ruka 17:5

He ani ia e te ⌊ꞌāpōtoro⌋ ki a Ietū mo haka pūai i te rāua haka moe iŋa i te manaꞌu ꞌi ruŋa i te ꞌAtua.

Ruka 17:6

He pāhono e Ietū: «ꞌĀhani te kōrua haka moe iŋa o te manaꞌu ꞌi ruŋa i te ꞌAtua korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te tumu nei: “Ka oꞌi tuꞌu aka, ꞌai ka oho ka ꞌoka rō ꞌi roto i te vaikava”, ꞌe he haꞌatura atu.

Ruka 18:6

He kī e Ietū: «Ka haka topa rā kōrua i te manaꞌu ki te pūꞌoko haka tere taꞌe tano era o te hare ture.

Ruka 19:8

ꞌE, ꞌi te kona hare era, he eꞌa a Tākeo ki ruŋa he kī ki a Ietū: —¿Ko ꞌite ꞌā koe? ꞌĪ a au he vahi a vāeŋa i tōꞌoku hauhaꞌa taꞌatoꞌa, ꞌe he vaꞌai e tahi pāꞌiŋa ki te nuꞌu veve. ꞌE mo ai, hora haka ꞌauhau era e au i te nuꞌu hai moni mo te rōmano i ꞌata haka ꞌauhau rō ki ravaꞌa takoꞌa mai ai tōꞌoku, hora nei he haka hoki e au e hā tara mo te tara ka tahi toke e au.

Ruka 22:61

He hārui a Ietū he uꞌi ki a Pētero. He topa te manaꞌu o Pētero ki tū meꞌe kī era e Ietū: «ꞌArīnā mau nei ꞌā, e ko ꞌoꞌoa hia te moa, ka kī rō ena e koe e toru kī iŋa kai ꞌite koe ko ai a au».

Ruka 24:3

He uru ꞌe ꞌina kai takeꞌa i te hakari o Ietū,

Ruka 24:34

He kī e rā nuꞌu ki tū ŋā kope era hoko rua: «¡He parautiꞌa ko ora haka ꞌou ꞌana a Ietū; ko haka takeꞌa ꞌā i a ia ki a Tīmona!».

Ruka 7:12

I hāhine era ki rā kona, he takeꞌa e maꞌu ꞌā te nuꞌu i te pāpaku mo tanu, he kope ko ia mau nō te poki o te viꞌe hove e tahi. Meꞌe rahi te nuꞌu o rā kona oho ꞌi muri i rā viꞌe.

Ruka 7:14

He haka hāhine ia ki te pāpaku, he ꞌa-ꞌaru i te raŋo ꞌe he noho te nuꞌu tupa. He kī e Ietū ki tū kope mate era: «E haŋu, ki a koe a au e kī atu ena: ¡Ka eꞌa ki ruŋa!».

Ruka 7:19

ꞌe he haka uŋa mo ꞌui ki a Ietū hoki ko ia mau ꞌā te ⌊Kiritō⌋, kope era mo tuꞌu mai, ꞌo e tiaki nō ki te rua.

Ruka 8:52

Te nuꞌu taꞌatoꞌa o roto i rā hare e ta-taŋi ꞌana ꞌi te haka ꞌaroha ꞌi te poki. He kī e Ietū: «ꞌIna kōrua ko ta-taŋi; ꞌina he poki kai mate, e haꞌuru nō ꞌā».

Iovani 11:2

Ko te Māria nei te Māria huri era i te vaꞌe o Ietū hai manoꞌi ꞌe ꞌai ka haroꞌi hai rauꞌoho.

Iovani 11:3

I māui-ui era a Rātaro, he uŋa e te ŋā taina nei mo kī ki a Ietū: te repahoa haŋa rahi era ōꞌona ko Rātaro ko māui-ui ꞌā.

Iovani 20:13

He ꞌui e tū ŋā merahi era: ¿He aha rā koe e taŋi ena? He kī e Māria: —He toꞌo, hoꞌi, i te hakari o tōꞌoku Maꞌori, ꞌe kai ꞌite a au ꞌi hē i haka rē ai.

Iovani 20:15

He ꞌui e Ietū: —¿He aha rā koe e taŋi ena? ¿Ki a ai rā koe e kimi ena? ꞌI te manaꞌu o Māria Matarena he taŋata hāpaꞌo o rā kona, he kī: —Mo ai ꞌāꞌau i toꞌo i tōꞌona hakari, ka hāꞌaki mai ꞌi hē koe i haka rē ai mo oho ōꞌoku mo toꞌo mai.

Iovani 4:1

I ꞌite era ia a Ietū ko ꞌite ꞌana te ⌊fariseo⌋ ꞌata rahi tāꞌana nuꞌu hāpī ꞌe ꞌata rahi te nuꞌu papatito e ia ki a ⌊Iovani⌋

Iovani 6:23

ꞌĪ ia te tētahi nuꞌu o Tīvēria ko tuꞌu ꞌā a ruŋa i te vaka ki te kona e tahi hāhine ki tū kona kai era i te haraoa ki oti a Ietū te māuru-uru ki te ꞌAtua.

1 Kōrinto 7:30

Pē ira takoꞌa ꞌana te nuꞌu ꞌamo i te ꞌati, te nuꞌu koa ꞌi te rāua noho iŋa, te nuꞌu haꞌaputu i te taoꞌa mo rāua,

1 Tētārōnika 4:13

E te taina, e haŋa rō ꞌana a mātou mo ꞌite o kōrua o ruŋa i te meꞌe topa ki te nuꞌu mate, ꞌo māui-ui rahi rō te kōrua māhatu, pa he nuꞌu taꞌe haka moe i te manaꞌu ꞌi ruŋa i a Ietū taꞌe ꞌite: te nuꞌu mate e ora haka ꞌou rō.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.