Ruka 7:12 - Rapa Nui

¹² I hāhine era ki rā kona, he takeꞌa e maꞌu ꞌā te nuꞌu i te pāpaku mo tanu, he kope ko ia mau nō te poki o te viꞌe hove e tahi. Meꞌe rahi te nuꞌu o rā kona oho ꞌi muri i rā viꞌe.

Ruka 7:12 ပူးပေါင်းရင်းမြစ်များ

Ruka 7:11

ꞌI te rua mahana, he oho a Ietū ki te kona te ꞌīŋoa ko Nāina. ꞌI muri i a ia i oho takoꞌa ai tāꞌana nuꞌu hāpī ꞌe meꞌe rahi atu te nuꞌu.

Ruka 7:13

I takeꞌa era e Ietū i rā viꞌe, he haka ꞌaroha ꞌe he kī: «ꞌIna koe ko taŋi».

Ruka 8:42

mo uꞌi i tāꞌana poki vahine mau nō e tahi, ka hoꞌe ꞌahuru mā piti matahiti, ko hāhine ꞌā mo mate. E oho era a Ietū ꞌi muri i rā taŋata ko pi-piri ꞌā ꞌi te rahi o te nuꞌu oho ꞌi muri.

Ruka 8:52

Te nuꞌu taꞌatoꞌa o roto i rā hare e ta-taŋi ꞌana ꞌi te haka ꞌaroha ꞌi te poki. He kī e Ietū: «ꞌIna kōrua ko ta-taŋi; ꞌina he poki kai mate, e haꞌuru nō ꞌā».

Iovani 11:19

ꞌe nuꞌu rahi te nuꞌu hūrio i oho i uꞌi i a Māria ararua ko Maratuka mo ꞌaroha ꞌe mo hokorua ꞌi te rāua ꞌati.

Aŋa o te ꞌĀpōtoro 9:39

He oho a Pētero ꞌi muri. I tuꞌu era he uŋa ki roto i te piha ꞌi ira tū hakari era. Te ŋā viꞌe hove o roto he haka vari tahi i a Pētero ꞌe, e ta-taŋi nō ꞌā, he haka takeꞌa i te kahu aŋa e Rorokā mo tuhaꞌa ki te nuꞌu.

Aŋa o te ꞌĀpōtoro 9:41

He ꞌa-ꞌaru e Pētero a te rima he haka māroa. He ohu ki te nuꞌu haka moe i te manaꞌu ꞌi ruŋa i a Ietū ꞌe ki tū ŋā viꞌe hove era, he haka takeꞌa ko ora haka ꞌou ꞌā a Tavitā.

Tanatiako 1:27

Te haꞌamuri iŋa parautiꞌa ꞌe tano ki te mata o te ꞌAtua Matuꞌa ko te meꞌe ena: he hāꞌūꞌū ki te ŋā poki matuꞌa kore ꞌe ki te ŋā viꞌe hove ai o te rāua ꞌati, ꞌe, takoꞌa, he taꞌe hara hai meꞌe o te ao nei.