Ruka 6:8 - Rapa Nui

⁸ ꞌE, a Ietū, ꞌi te meꞌe ko aŋi-aŋi ꞌana i te manaꞌu o rā nuꞌu, he kī ki tū taŋata rima rehe-rehe era: «Ka eꞌa koe ki ruŋa ka māroa ꞌi vāeŋa». He eꞌa tū taŋata era he māroa.

Ruka 6:8 ပူးပေါင်းရင်းမြစ်များ

Māteo 9:4

ꞌI te ꞌite o Ietū i te manaꞌu o rā nuꞌu, he ꞌui: «¿He aha kōrua e manaꞌu rake-rake ena?

Marko 3:3

He kī e Ietū ki tū taŋata rima rehe-rehe era: «Ka māroa rā koe ꞌi vāeŋa».

Ruka 13:12

I takeꞌa era e Ietū he raŋi mo oho ꞌe he kī: «E nua, he ora tuꞌu māui-ui ena».

Ruka 5:22

He aŋi-aŋi e Ietū i te meꞌe manaꞌu e rāua ꞌe he ꞌui: «¿He aha a kōrua e manaꞌu ena pē nā?

Ruka 6:9

He kī ia e Ietū ki rā nuꞌu: «ꞌĪ a au he ꞌui atu e tahi meꞌe: “¿He aha te meꞌe tano mo aŋa ꞌi te mahana haka ora: he meꞌe riva-riva ꞌo he meꞌe rake-rake? ¿He haka ora i te taŋata ꞌo he tiŋaꞌi he haka mate?”».

Iovani 2:25

Mo Ietū e topa nō ꞌā te meꞌe ena he kī ōꞌou o ruŋa i te huru o te taŋata. Ko ꞌite riva-riva ꞌana, paꞌi, pē hē te rāua māhatu.

Iovani 21:17

He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.

Iovani 9:4

E ꞌōtea nō ꞌana, te auraꞌa, e ora nō ꞌā, he aŋa a tātou i te aŋa o te kope uŋa mai i a au. ꞌE, ka pō ena, te auraꞌa, ka mate ena, e ko riva haka ꞌou te taŋata mo aŋa.

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Aŋa o te ꞌĀpōtoro 26:26

Nā te ꞌariki ena ko ꞌAkiripa nā ko aŋi-aŋi riva-riva ꞌana i te ŋā meꞌe nei. ꞌO ira a au e taꞌe riꞌa-riꞌa ena mo vānaŋa atu ꞌi muꞌa i a ia. Ko ꞌite ꞌana a au e ꞌite rō ꞌana e ia i te ŋā meꞌe taꞌatoꞌa nei; taꞌe, paꞌi, he meꞌe i topa ꞌi te kona mo taꞌe takeꞌa.

Fīripo 1:28

taꞌe hai riꞌa-riꞌa, ka ai atu e ai rō ꞌā te nuꞌu ꞌina he haŋa ki te kōrua aŋa. ꞌE ꞌi te taꞌe riꞌa-riꞌa o kōrua, ka aŋi-aŋi ena e rā nuꞌu: te hopeꞌa o te rāua ara he ūtuꞌa, ꞌe ka aŋi-aŋi ena e kōrua: he vaꞌai atu i te ora ꞌāpī ꞌina he hopeꞌa raꞌa. ꞌE te ŋā meꞌe nei ararua o te ꞌAtua.

ꞌEvereo 4:13

ꞌIna e tahi meꞌe o te meꞌe aŋa e te ꞌAtua mo taꞌe takeꞌa e ia; tōꞌona mata ꞌi ruŋa i te meꞌe taꞌatoꞌa, ꞌe ki a ia tātou ka kī ena i te tātou meꞌe i aŋa.

1 Pētero 4:1

Ko ꞌite ꞌana e tātou: a Ietū Kiritō i ꞌamo rō i te ꞌati ꞌi te ao nei. ꞌI roto i tōꞌona manaꞌu, paꞌi, ko haka tano era ꞌana i a ia mo aŋa pē ira, ana haŋa te ꞌAtua. ꞌO ira te tātou manaꞌu e tuꞌu pa he manaꞌu mau era ꞌā ōꞌona. Te kope manaꞌu pē ira ko hārui ꞌana hai tuaꞌivi i te hara,