Ruka 6:7 - Rapa Nui

⁷ Te nuꞌu ⌊maꞌori o te haka tere hūrio⌋ ꞌe te fariseo ꞌai e uꞌi era hoki e haka ora rō e Ietū i rā taŋata ꞌi te mahana haka ora, mo ravaꞌa ꞌōtohe mo tuhi e rāua i tōꞌona hape.

Ruka 6:7 ပူးပေါင်းရင်းမြစ်များ

Māteo 5:39

ꞌE, ꞌī a au he kī atu: ꞌina koe ko haka hoki hai meꞌe taꞌe tano ki te meꞌe taꞌe tano aŋa atu e te rua. Te meꞌe mau ꞌāꞌau mo aŋa ko te meꞌe nei: mo puꞌa atu o te kope e tahi i tuꞌu pāꞌiŋa ꞌāriŋa mataꞌu, e vaꞌai te rua pāꞌiŋa.

Marko 3:2

ꞌI roto takoꞌa te nuꞌu uꞌi hoki e haka ora rō a Ietū i te rima o tū taŋata era ꞌi rā mahana, mo ravaꞌa ꞌōtohe mo tuhi ko aŋa ꞌā i te meꞌe taꞌe tano ki te rāua haka tere iŋa.

Ruka 13:14

Te taŋata pūꞌoko haka tere o tū hare pure hūrio era he riri rō atu ꞌai ꞌo te haka ora e Ietū i tū viꞌe era ꞌi te mahana haka ora, ꞌe he kī ki te nuꞌu: «E ono mahana e ai ena mo aŋa. E oho mai kōrua ꞌi rā ŋā mahana mo haka ora atu, taꞌe ꞌō pē nei ē: ꞌi te mahana haka ora».

Ruka 20:20

He uŋa e tū nuꞌu ra-rahi era o te hūrio i te ŋāŋata, e haka tuꞌu rō ꞌana pa he ŋāŋata riva, haka ꞌui ki a Ietū mo uꞌi i te rāveꞌa mo kī e Ietū i te vānaŋa taꞌe tano mo te rāua haka tere iŋa; pē ira he ravaꞌa e rāua i te ꞌōtohe mo ꞌa-ꞌaru ꞌe mo vaꞌai ki te rima o te suerekao rōmano mo haka ūtuꞌa.

Iovani 9:16

He kī e te tētahi fariseo: «Te kope aŋa i te meꞌe ena taꞌe o te ꞌAtua he taꞌe moꞌa i te mahana haka ora». ꞌE o te tētahi atu i kī: «¿Pē hē te taŋata hara ana aŋa i te mana tuꞌu pē nā?». He manaꞌu kē-kē rō atu ꞌai rā ŋā fariseo