Ruka 6:6 - Rapa Nui

⁶ ꞌI te mahana haka ora haka ꞌou e tahi, he uru a Ietū ki roto i te ⌊hare pure hūrio⌋ he haꞌamata he hāpī. ꞌI roto e tahi taŋata e rehe-rehe rō ꞌā te rima mataꞌu.

Ruka 6:6 ပူးပေါင်းရင်းမြစ်များ

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Ruka 13:10

ꞌI te ⌊mahana haka ora⌋ e tahi e hāpī ꞌā a Ietū i te nuꞌu ꞌi roto i te ⌊hare pure hūrio⌋.

Ruka 14:3

He ꞌui ia e Ietū ki te ⌊maꞌori o te haka tere hūrio⌋ ꞌe ki te fariseo: «¿E haꞌatiꞌa rō ꞌana mo haka ora i te taŋata māui-ui ꞌi te mahana haka ora?».

Ruka 4:16

He oho ia a Ietū ki Nātāreta ki te kona ꞌi ira i nui-nui ai. I tano era te ⌊mahana haka ora⌋, he oho ki te hare pure hūrio, pa he meꞌe rava aŋa e ia ꞌi te mahana haka ora, ꞌe he māroa mo taiꞌo i te Pāpaꞌi Moꞌa.

Ruka 4:31

He eꞌa a Ietū he oho ki Kaperenāū, he kona haka ꞌou o Karirea, ꞌe ꞌi te mahana haka ora e hāpī era ꞌi roto i te hare pure hūrio.

Ruka 6:1

ꞌI te mahana haka ora e tahi, e oho nō ꞌā a kuā Ietū a te kona ꞌoka tariko, ꞌai te nuꞌu hāpī ꞌāꞌana e more-more e oho era i te karu tariko koia ko hure-hure, ꞌai ka kai.

Ruka 6:5

He kī haka ꞌou e Ietū: —I a au i te ⌊Poki o te taŋata⌋ te parau o te mahana haka ora mo kī i te meꞌe haꞌatiꞌa ꞌe i te meꞌe taꞌe haꞌatiꞌa mo aŋa.

Iovani 5:3

ꞌI raro o rā kona meꞌe rahi nuꞌu matapō, vaꞌe koke, māui-ui ꞌe hakari taꞌe makenu e mo-moe rō ꞌana [e tiaki ꞌā ki te haka makenu iŋa o te vai.

Iovani 9:16

He kī e te tētahi fariseo: «Te kope aŋa i te meꞌe ena taꞌe o te ꞌAtua he taꞌe moꞌa i te mahana haka ora». ꞌE o te tētahi atu i kī: «¿Pē hē te taŋata hara ana aŋa i te mana tuꞌu pē nā?». He manaꞌu kē-kē rō atu ꞌai rā ŋā fariseo