Ruka 6:49 - Rapa Nui

⁴⁹ ꞌE te taŋata haka roŋo i tāꞌaku vānaŋa ꞌe ꞌina he aŋa pa he meꞌe kī e au, e tuꞌu rō ꞌā pa he taŋata haka tuꞌu i tōꞌona hare ꞌi te kona taꞌe hio-hio. Ka hetu era te aꞌa ki rā hare, ꞌi te pūai he to-toi ꞌe he marere tahi».

Ruka 6:49 ပူးပေါင်းရင်းမြစ်များ

Māteo 23:3

ꞌO ira, e haꞌatura ꞌe e aŋa kōrua i te meꞌe taꞌatoꞌa kī atu; ꞌe, ꞌina kōrua ko ai pē rāua: he kī e tahi meꞌe, ꞌe te meꞌe aŋa meꞌe kē.

Māteo 24:10

ꞌI rā ŋā mahana meꞌe rahi nuꞌu ka taꞌe haka moe haka ꞌou ena i te manaꞌu ꞌi ruŋa i te ꞌAtua; te taŋata e maꞌu rō i te riri mo te rua ꞌe e vaꞌai rō e te kope e tahi i te rua ki te rima o te taŋata taꞌe haŋa ki rā rua kope era.

Marko 4:17

Te meꞌe ꞌino nō, ꞌi te taꞌe raro nui o te aka, ꞌina he hio-hio. Ka riri era te nuꞌu mo rāua o ruŋa o te vānaŋa o te ꞌAtua ꞌo ka topa era te ꞌati, e ko haka noho haka ꞌou i te manaꞌu ꞌi ruŋa i te ꞌAtua.

Ruka 12:47

»Te tāvini ꞌite i te meꞌe haŋa o te taŋata haka aŋa i a ia ꞌe ꞌina he haꞌatura he aŋa i te meꞌe haŋa o rā taŋata e tiŋaꞌi e haka ūtuꞌa rahi rō.

Ruka 19:14

»Te nuꞌu o rā henua ꞌina he haŋa ki rā taŋata. He uŋa ia ꞌi tuꞌa ꞌā i te nuꞌu mo kī ki te kope māꞌana e haka ꞌariki: “Kai haŋa a mātou ki te taŋata ena mo ꞌariki o mātou”.

Ruka 19:27

ꞌE te nuꞌu taꞌe haŋa era mo ꞌariki ōꞌoku, ka maꞌu mai ꞌai ka tiŋaꞌi ka haka mate rō ꞌi muꞌa i a au”».

Ruka 6:46

»¿He aha kōrua e kī ena he Pūꞌoko Haka Tere a au o kōrua, ꞌe ꞌina kōrua he aŋa i tāꞌaku meꞌe kī?

Ruka 6:48

e tuꞌu rō ꞌana pa he taŋata haka tuꞌu i tōꞌona hare i uꞌi ꞌi raꞌe i te kona hio-hio ꞌai ka aŋa iho. Ka hetu era te aꞌa ki rā hare, ꞌina e ko makenu ꞌi te haka tuꞌu ꞌi rā kona.

Ruka 7:1

I oti era a Ietū te vānaŋa ki te nuꞌu, he eꞌa he oho ki Kaperenāū.

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Aŋa o te ꞌĀpōtoro 20:29

»Ko ꞌite ꞌana e au ka oho nei a au, e tuꞌu rō mai tētahi taŋata e haŋa rō ꞌā mo haka kore i te nuꞌu haka moe i te manaꞌu ꞌi ruŋa i a Ietū pa he haka kore iŋa o te paiheŋa taehae i te māmoe.

Aŋa o te ꞌĀpōtoro 26:11

Paurō te mahana e tōtōā era e au i rā nuꞌu mo taꞌe haka moe haka ꞌou i te manaꞌu ꞌi ruŋa i a Ietū. Te ŋā meꞌe nei i aŋa ai e au ꞌi roto i te ⌊hare pure hūrio⌋. ꞌE, ꞌi te rahi o tōꞌoku riri mo rāua, e kimi e oho era e au ꞌātā ki te tētahi henua.

1 Tētārōnika 3:5

ꞌO ira, ꞌi te niva-niva o mātou ꞌo te taꞌe ꞌite mai hoki e haka moe e oho nō ꞌana kōrua i te manaꞌu ꞌi ruŋa i a Ietū, i uŋa atu ai au i a Timoteo mo ꞌite mai o ruŋa i a kōrua. Tōꞌoku riꞌa-riꞌa: ꞌo hoa kōrua i te kōrua haka moe iŋa i te manaꞌu ꞌi ruŋa i a Ietū ka haka ꞌatu atu ena i a kōrua e Rukifero, ꞌe ꞌo māuꞌa te mātou aŋa ꞌi roto i a kōrua.

2 Pētero 2:20

Te nuꞌu eꞌa mai roto i te meꞌe taꞌe tano o te ao nei hai ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara, mo haka rē i a rāua mo haka tere haka ꞌou e rā ŋā meꞌe, ka hopeꞌa ena ꞌata peore ki tū roa raꞌe era.

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.