Ruka 6:43 - Rapa Nui

⁴³ »ꞌIna e tahi tumu riva-riva mo hua o te meꞌe rake-rake, ꞌe ꞌina e tahi tumu rake-rake mo hua o te meꞌe riva-riva.

Ruka 6:43 ပူးပေါင်းရင်းမြစ်များ

Māteo 12:33

»Mo riva-riva o te tumu, he hua te meꞌe riva-riva; ꞌe mo rake-rake, meꞌe rake-rake. Te huru o te tumu e aŋi-aŋi ena hai huru o tāꞌana meꞌe hua.

Māteo 3:10

Te ꞌōhio nā ko rito era ꞌā mo paꞌo i te tumu mai tōꞌona aka. Te tumu taꞌatoꞌa taꞌe hua o te meꞌe riva-riva he paꞌo ꞌe he hoa ki roto i te ahi.

Ruka 6:42

Mo taꞌe takeꞌa e koe i te pou o roto i tuꞌu mata, ¿pē hē koe i manaꞌu ai mo kī ki tuꞌu taina: “E te taina, ka haka rē mai koe ki toꞌo atu a au i te pua mauku mai roto i tuꞌu mata”? ¡E te taŋata riva a te haho ē!, ka toꞌo koe ꞌi raꞌe i te pou mai roto i tuꞌu mata, ki takeꞌa riva-riva ai e koe i te pua mauku ꞌi roto i te mata o tuꞌu taina.