Ruka 6:38 - Rapa Nui

³⁸ E vaꞌai kōrua ki te tētahi, ki vaꞌai takoꞌa atu ai e te ꞌAtua ki a kōrua. Ka haꞌaꞌī atu ena, paꞌi, i te kōrua pūtē ki te ꞌī, ka rū-rū ena ko ꞌī riva-riva ꞌā. Pa he hāito iŋa ena ꞌā o kōrua mo vaꞌai ki te rua, pē ira ka hāito takoꞌa ena e te ꞌAtua mo vaꞌai atu ki a kōrua».

Ruka 6:38 ပူးပေါင်းရင်းမြစ်များ

Māteo 10:42

»ꞌĪ a au he ki atu: te taŋata vaꞌai ka ai atu he hapaina vai mau nō ki te kope e tahi o roto o tāꞌaku nuꞌu hāpī ꞌo te ai o rā kope ꞌāꞌaku, pe muꞌa ka oho ena e ko taꞌe vaꞌai e te ꞌAtua ki rā taŋata hai meꞌe mo haka koa».

Māteo 7:2

Pa he ture iŋa o kōrua i te rua, pē ira ꞌā te ꞌAtua ka ture atu ena i a kōrua. Pa he pūai o te kōrua kī iŋa i te hape o te rua, pē ira ꞌā te pūai ka kī atu ena e te ꞌAtua i te kōrua hape.

Marko 4:24

He kī haka ꞌou e Ietū: «E uꞌi e haka topa riva-riva te kōrua manaꞌu o ruŋa i te hāpī ꞌāꞌaku. Pa he hāito iŋa ena ꞌā o te kōrua haka roŋo ꞌe haꞌatura ki te ꞌAtua, ka hāito takoꞌa atu ena e ia i te meꞌe mo ꞌite e kōrua o ruŋa ōꞌona, ꞌe ꞌātā e ꞌata haka ꞌite nō atu.

Ruka 6:30

Mo no-noꞌi atu te nuꞌu e tahi meꞌe, e vaꞌai, ꞌe mo hiko i taꞌa meꞌe, ꞌina ko kī mo haka hoki atu.

Tanatiako 2:13

Te nuꞌu taꞌe haka ꞌaroha i te rua taŋata, pē ira takoꞌa ka taꞌe haka ꞌaroha ena i a rāua e te ꞌAtua ꞌi te hora o te ture hopeꞌa, ꞌe te nuꞌu haka ꞌaroha i te rua taŋata, e ko riꞌa-riꞌa ꞌi rā hora.