Ruka 6:30 - Rapa Nui

³⁰ Mo no-noꞌi atu te nuꞌu e tahi meꞌe, e vaꞌai, ꞌe mo hiko i taꞌa meꞌe, ꞌina ko kī mo haka hoki atu.

Ruka 6:30 ပူးပေါင်းရင်းမြစ်များ

Māteo 18:35

He kī haka ꞌou e Ietū: «Pē ira takoꞌa tōꞌoku Matuꞌa o te raŋi ka aŋa atu ena mo taꞌe haka rehu o kōrua hai māhatu i te meꞌe taꞌe tano aŋa atu e te kōrua taina».

Māteo 5:39

ꞌE, ꞌī a au he kī atu: ꞌina koe ko haka hoki hai meꞌe taꞌe tano ki te meꞌe taꞌe tano aŋa atu e te rua. Te meꞌe mau ꞌāꞌau mo aŋa ko te meꞌe nei: mo puꞌa atu o te kope e tahi i tuꞌu pāꞌiŋa ꞌāriŋa mataꞌu, e vaꞌai te rua pāꞌiŋa.

Māteo 6:12

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua.

Ruka 11:41

ꞌO ira, e vaꞌai ki te nuꞌu veve i te meꞌe hai manaꞌu riva-riva; pē ira ana takeꞌa i te maꞌitaki o te roto ꞌe o te haho.

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 6:29

Mo puꞌa atu e tahi kope i tuꞌu pāꞌiŋa ꞌāriŋa, e vaꞌai te rua pāꞌiŋa; ꞌe mo hiko e te kope e tahi i tuꞌu paratoa, e vaꞌai takoꞌa tuꞌu kamita.

Ruka 6:31

E aŋa koe ki te rua i te meꞌe haŋa e koe mo aŋa atu e te rua.

Ruka 6:38

E vaꞌai kōrua ki te tētahi, ki vaꞌai takoꞌa atu ai e te ꞌAtua ki a kōrua. Ka haꞌaꞌī atu ena, paꞌi, i te kōrua pūtē ki te ꞌī, ka rū-rū ena ko ꞌī riva-riva ꞌā. Pa he hāito iŋa ena ꞌā o kōrua mo vaꞌai ki te rua, pē ira ka hāito takoꞌa ena e te ꞌAtua mo vaꞌai atu ki a kōrua».

Aŋa o te ꞌĀpōtoro 20:35

Hai haka tere iŋa nei ōꞌoku e haka ꞌite atu era pē hē tātou ana aŋa mo ravaꞌa mai o te meꞌe, ki riva ai a tātou mo hāꞌūꞌū ki te nuꞌu ꞌina e tahi rāveꞌa. E haka topa te kōrua manaꞌu ki te vānaŋa kī e Ietū: “I hau te rahi o te koa mo vaꞌai ōꞌou ki te rua ki te toꞌo mai ana vaꞌai atu”».

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.