Ruka 6:27 - Rapa Nui

²⁷ »Ki a kōrua ki te nuꞌu haka roŋo mai, ꞌī a au he kī atu: E haŋa ki te nuꞌu te rāua manaꞌu mau nō he tōtōā atu. E aŋa te meꞌe riva-riva ki te nuꞌu maꞌu i te riri mo kōrua.

Ruka 6:27 ပူးပေါင်းရင်းမြစ်များ

Marko 4:24

He kī haka ꞌou e Ietū: «E uꞌi e haka topa riva-riva te kōrua manaꞌu o ruŋa i te hāpī ꞌāꞌaku. Pa he hāito iŋa ena ꞌā o te kōrua haka roŋo ꞌe haꞌatura ki te ꞌAtua, ka hāito takoꞌa atu ena e ia i te meꞌe mo ꞌite e kōrua o ruŋa ōꞌona, ꞌe ꞌātā e ꞌata haka ꞌite nō atu.

Ruka 23:34

He kī a Ietū: «E Koro, ka haka rehu koe i te meꞌe aŋa mai e te nuꞌu nei; kai ꞌite e aha ꞌā a rāua».] Te vaꞌehau ia ko no-noho ko pere ꞌā i te kahu o Ietū mo uꞌi ki a ai ki a ai ana topa.

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Ruka 6:35

»E haŋa kōrua ki te nuꞌu te rāua manaꞌu mau nō he tōtōā atu ꞌe e aŋa takoꞌa te meꞌe riva-riva ki a rāua. ꞌE mo no-noꞌi atu mo haka tārahu, e vaꞌai ꞌe ꞌina kōrua ko tiaki mo haka hoki atu. Pē ira he ai te meꞌe hopeꞌa o te nui-nui o te ꞌAtua mo haka koa i a kōrua, ꞌe hai meꞌe nei ka takeꞌa ena: he ŋā poki mau ꞌā kōrua o te ꞌAtua. A ia, paꞌi, ꞌAtua riva takoꞌa ki te nuꞌu taꞌe ꞌite i te māuru-uru ki a ia ꞌe ki te nuꞌu aŋa i te meꞌe taꞌe tano.

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Ruka 8:18

»ꞌO ira, e uꞌi e haka roŋo riva-riva tāꞌaku hāpī. Te kope aŋi-aŋi ꞌe toꞌo mōꞌona i te parautiꞌa o te ꞌAtua he ꞌata haka aŋi-aŋi e te ꞌAtua. ꞌE te kope ꞌina he toꞌo mōꞌona, ꞌātā ki te meꞌe manaꞌu ko ꞌite ꞌā e ia ka toꞌo ena».

Ruka 8:8

»ꞌE tētahi atu i vī-viri a te kona ꞌōꞌone riva-riva. He tupu he nui-nui ꞌe mai te karu e tahi i hua ai ꞌātā e hoꞌe hānere karu». He meꞌe nei te meꞌe i ꞌaꞌamu e Ietū. ꞌE he kī haka ꞌou i haka pūai te reꞌo: «¡Te nuꞌu haŋa mo aŋi-aŋi ka haka topa te manaꞌu!».

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 16:28

He ohu ia e Pauro: «¡ꞌIna koe ko tiŋaꞌi i a koe; ꞌī a mātou taꞌatoꞌa ꞌi ꞌā!».

Aŋa o te ꞌĀpōtoro 7:60

He tū-turi ia he ohu pūai: «¡E Ietū, ꞌina koe ko tapa atu i te hara nei o te nuꞌu nei!». I oti era te kī i te meꞌe nei, he mate.

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

1 Tētārōnika 5:15

E uꞌi takoꞌa kōrua ꞌo haka hoki e te kope e tahi hai meꞌe taꞌe tano ki te kope aŋa i te meꞌe taꞌe tano ki a ia. Te meꞌe mau nō, paꞌi, o kōrua mo aŋa he meꞌe riva-riva, ꞌe taꞌe nō ꞌi roto i a kōrua, ki te taꞌatoꞌa nō taŋata.

3 Iovani 1:11

E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.