Ruka 6:22 - Rapa Nui

²² »Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Ruka 6:22 ပူးပေါင်းရင်းမြစ်များ

Māteo 10:18

ꞌE ꞌātā he maꞌu i a kōrua ki muꞌa o te suerekao ꞌe o te ꞌariki ꞌo te ai o kōrua ꞌāꞌaku. Pē ira ka haka ꞌite ena kōrua o ruŋa i a au ꞌi muꞌa o rā nuꞌu ꞌe o te tētahi nuꞌu taꞌe he hūrio.

Māteo 10:22

Te nuꞌu o te henua taꞌatoꞌa e riri taparahi-taꞌata rō ꞌo te ai o kōrua ꞌāꞌaku. ꞌE te kope haka noho i tōꞌona manaꞌu ꞌi ruŋa i a au ꞌātā ki te hora hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Māteo 10:39

Te kope hārui i a au ꞌe i tāꞌaku hāpī hai tuaꞌivi mo hāpaꞌo i a ia ꞌo mate ꞌe mo aŋa i tāꞌana meꞌe nō era i haŋa e ko ai i a ia te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope haka rē i tāꞌana meꞌe haŋa mo haꞌatura mai ki a au he ravaꞌa e ia i rā ora.

Ruka 20:15

»He toꞌo ia e tū nuꞌu era i rā poki mai roto i rā henua, he maꞌu he oho he tiŋaꞌi he haka mate». —Ki te kōrua manaꞌu ia, ¿he aha te meꞌe ka aŋa era ki rā nuꞌu e te taŋata era ōꞌona rā henua?

Ruka 21:17

Te taŋata taꞌatoꞌa e maꞌu rō i te riri mo kōrua he haka moe o kōrua i te manaꞌu ꞌi ruŋa i a au.

Ruka 6:21

Ko te koa i a kōrua, e te nuꞌu maruaki ki te meꞌe o te ꞌAtua ē; e mākona rō kōrua. Ko te koa i a kōrua, e te nuꞌu taŋi o te hora nei ē; e koa rō kōrua.

Iovani 12:42

Ka ai atu pē ira, meꞌe rahi hūrio ra-rahi i ⌊haka moe i te manaꞌu⌋ ꞌi ruŋa i a Ietū, ꞌātā te tētahi nuꞌu hopeꞌa o te ra-rahi. Te meꞌe nō, ꞌina he haka ꞌite ꞌi muꞌa o te taŋata he riꞌa-riꞌa ꞌi te fariseo, ꞌo haka eꞌa mau rō ꞌāvai i a rāua mai roto i te ⌊hare pure hūrio⌋.

Iovani 16:2

A kōrua nā he haka eꞌa mau rō ꞌai mai roto i te ⌊hare pure hūrio⌋; ꞌe ꞌātā e tuꞌu rō te mahana te kope nō era mo tiŋaꞌi mo haka mate i a kōrua he manaꞌu e aŋa ꞌana i te meꞌe haŋa e te ꞌAtua.

Iovani 17:14

Ko haka ꞌite ꞌana e au ki a rāua i taꞌa vānaŋa, ꞌe te nuꞌu o te ao nei taꞌe haka moe i te manaꞌu ꞌi ruŋa i a au e maꞌu rō ꞌana i te riri mo rāua ꞌo te taꞌe ai haka ꞌou te nuꞌu nei o rāua, pa he taꞌe ai iŋa takoꞌa nei ōꞌoku o rāua.

Iovani 7:7

Te taŋata o te ao nei ꞌina he riri mo kōrua; mōꞌoku e riri ena ꞌo te haka takeꞌa e au: te rāua meꞌe aŋa meꞌe taꞌe tano.

Iovani 9:34

He kī ia e tū nuꞌu era: —A koe, mai tuꞌu poreko iŋa ꞌā ki te hora nei, he taŋata hara, ꞌe, ¿e haŋa ꞌā koe mo hāpī mai i a mātou? He toꞌo ia e tū nuꞌu ra-rahi era i rā taŋata he haka eꞌa mau rō ꞌai mai roto i te ⌊hare pure hūrio⌋.

Aŋa o te ꞌĀpōtoro 22:22

Ki te kona nō nei i haka roŋo ai e te nuꞌu i te tātara ꞌa Pauro. I oho era he haꞌamata he ohu-ohu: «¡ꞌIna te taŋata ena ko ora! ¡Ka haka kore mai te ao!».

Aŋa o te ꞌĀpōtoro 24:5

Ki te mātou uꞌi te taŋata ena he ꞌati e tahi: he oho nō te aŋa a te kona taꞌatoꞌa haka tumu i te ture ꞌi roto i te ⌊hūrio⌋. A ia he pūꞌoko haka tere e tahi o te nuꞌu maꞌu i te hāpī reo-reo o tū kope era o Nātāreta.

Aŋa o te ꞌĀpōtoro 9:16

E haka takeꞌa rō e au i te rahi o te ꞌati ka topa ena ꞌi ruŋa i a ia ꞌo te haka ꞌite ꞌo te oho o ruŋa i a au.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

1 Pētero 3:14

ꞌE mo topa atu o te ꞌati ꞌi ruŋa i a kōrua, ka ai atu e aŋa ꞌana i te meꞌe tī-tika, he haꞌamaitai atu kōrua e te ꞌAtua. ꞌO ira, ꞌina ko riꞌa-riꞌa ꞌi te nuꞌu tōtōā atu.