Ruka 5:8 - Rapa Nui

⁸ I takeꞌa era e Tīmona, kī takoꞌa ko Pētero, i tū meꞌe era, he tū-turi ꞌi muꞌa o Ietū he kī: —¡E Ietū, ka oho koe mai muri i a au; he taŋata hara a au!

Ruka 5:8 ပူးပေါင်းရင်းမြစ်များ

Māteo 17:6

I ŋaroꞌa era e tū nuꞌu hāpī era hoko toru, he tū-turi he noi te ꞌāriŋa a ruŋa i te ꞌōꞌone, ko hopeꞌa atu ꞌā te riꞌa-riꞌa.

Māteo 2:11

He uru ia ananake ki roto i te hare, he takeꞌa i te poki ararua ko tōꞌona matuꞌa vahine ko ⌊Māria⌋, ꞌe he tū-turi he haꞌamuri ki rā poki. He mātaki i te rāua ꞌavahata he vaꞌai i te piru, i te meꞌe mo tutu mo haka ꞌeo o te hare, ꞌe i te manoꞌi aŋa hai tāpau o te tumu te ꞌīŋoa he mirra.

Māteo 8:8

He kī e tū kape era: —E Ietū, ¿ko ai a au mo uru atu ōꞌou ki roto i tōꞌoku hare? Ka kī nō koe i taꞌa vānaŋa ꞌe he ora rō ꞌai tōꞌoku tāvini.

Ruka 5:7

He rapu ki te nuꞌu o ruŋa i te rua vaka mo oho mo hāꞌūꞌū. I puā era he haꞌaꞌī i rā ŋā vaka hai ika ki te ꞌī, ꞌātā ka oho rō mo emu.

Ruka 5:9

A Tīmona ananake ko te nuꞌu taꞌatoꞌa o muri i a ia ko riꞌa-riꞌa atu ꞌana o ruŋa i te rahi o tū ika ravaꞌa era.

Iovani 11:32

I tuꞌu era a Māria ki tū kona era ꞌi ira a Ietū, he tū-turi he kī: —E te Maꞌori, ꞌāhani koe ꞌi nei, e ko mate tōꞌoku taina.

1 Kōrinto 13:12

Te meꞌe ꞌite o tātou ꞌi te hora nei o ruŋa i te ꞌAtua pa he meꞌe ꞌehu-ꞌehu e tahi ꞌi roto i te hiꞌo; ꞌe, ka tano ena te mahana, he takeꞌa riva-riva mai. Hora nei e ai rō ꞌā te meꞌe taꞌe aŋi-aŋi e au o ruŋa i a ia; ꞌe, e tano rō te mahana, he māhani a au i a ia, pa he māhani iŋa mai ōꞌona i a au.

Meꞌe Haka Takeꞌa 1:17

I takeꞌa era e au, he tū-turi a au he moe a tōꞌona vaꞌe pa he meꞌe: ko mate ꞌana a au. He haka puā mai ia e rā kope i tōꞌona rima mataꞌu ꞌe he kī mai: «ꞌIna koe ko riꞌa-riꞌa. A au he Raꞌe ꞌe he Hopeꞌa,