Ruka 5:6 - Rapa Nui

⁶ I haka topa era i te kūpeŋa, ka ꞌī ka ꞌī te ika i oꞌo ai. I haro mai era he haꞌamata he mō-more ꞌi te rahi.

Ruka 5:6 ပူးပေါင်းရင်းမြစ်များ

Ruka 5:7

He rapu ki te nuꞌu o ruŋa i te rua vaka mo oho mo hāꞌūꞌū. I puā era he haꞌaꞌī i rā ŋā vaka hai ika ki te ꞌī, ꞌātā ka oho rō mo emu.

Aŋa o te ꞌĀpōtoro 2:41

Te nuꞌu i haka roŋo hai māhatu ki tū ŋā meꞌe kī era e Pētero ꞌe i haka moe i te manaꞌu ꞌi ruŋa, he haka papatito i a rāua. Pē ira, ꞌi rā mahana mau ꞌā, i ꞌata rahi ai te nūnaꞌa taŋata haka moe i te manaꞌu ꞌi ruŋa i a Ietū e toru taꞌutini haka ꞌou taŋata.

Aŋa o te ꞌĀpōtoro 4:4

O te nuꞌu haka roŋo i te rāua vānaŋa nuꞌu rahi i ⌊haka moe i te manaꞌu⌋ ꞌi ruŋa i a Ietū. Pē ira i ꞌata rahi ai rā nuꞌu; mo tataku i te ŋāŋata nō he hāhine ki te pae taꞌutini.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

Karatia 6:9

ꞌO ira, ꞌina ko rohi-rohi mo hāꞌūꞌū ki te rua. Mo taꞌe rohi-rohi, ꞌi te hora tano he haꞌamaitai a tātou e te ꞌAtua.