Ruka 5:34 - Rapa Nui

³⁴ He pāhono e Ietū: —¿Ka kī ꞌō e tano rō ꞌā a kōrua mo kī ki te nuꞌu ꞌi te ŋoŋoro hāipo-ipo: «Ka tapu te kai», ka ai atu ꞌi muri i a rāua te kope ōꞌona te hāipo-ipo?

Ruka 5:34 ပူးပေါင်းရင်းမြစ်များ

Māteo 22:2

«Te meꞌe topa ꞌi te ⌊haka tere iŋa ꞌāpī o te ꞌAtua⌋ pa he meꞌe topa ki te ꞌariki e tahi aŋa i te ŋoŋoro hāipo-ipo mo tāꞌana poki tane.

Māteo 9:15

He pāhono e Ietū: —¿E taꞌe koa ꞌe e taꞌe kai mau rō te nuꞌu ꞌi te ŋoŋoro hāipo-ipo ꞌi te hora ꞌi muri i a rāua te kope ōꞌona te hāipo-ipo? Nā, paꞌi, e tano rō te hora he toꞌo i rā kope mai muri i a rāua; ꞌi rā hora ka tapu iho era.

Ruka 5:33

He kī ia ki a Ietū: —Te nuꞌu hāpī ꞌa Iovani ꞌe o te fariseo nuꞌu rava tapu i te kai ꞌe rava pure, ꞌe taꞌa nuꞌu hāpī he kai ꞌe he unu nō te aŋa, ꞌina he tapu.

Ruka 5:35

ꞌĪ a au he kī atu: e tuꞌu rō te mahana he toꞌo i rā taŋata hāipo-ipo era mai muri i a rāua; ki tano rā mahana, ka tapu iho era.

Iovani 3:29

»ꞌI te ŋoŋoro hāipo-ipo, paꞌi, te taŋata i a ia te viꞌe mo hāipo-ipo ko ia te meꞌe ka hāipo-ipo era. ꞌE te repahoa o muri, ka ŋaroꞌa era i te reꞌo o rā kope e hāipo-ipo ꞌana, he toꞌo te koa. Pē ira takoꞌa tōꞌoku koa mo rahi o te taŋata oho ki a ia.

2 Kōrinto 11:2

ꞌIna kōrua ko rehu: e haŋa rō atu ꞌana a au ki a kōrua pa he haŋa iŋa ena ꞌā o te ꞌAtua ki tōꞌona taŋata. A kōrua ko haka haꞌamoꞌa-moꞌa era ꞌana e au mo hāipo-ipo ki te kenu mau nō e tahi, he ⌊Kiritō⌋, ꞌe ko haŋa ꞌana a au mo maꞌu i a kōrua ki muꞌa i a ia pa he viꞌe ꞌina kai noho ꞌā ki te taŋata ꞌe hāpaꞌo i a ia mo tāꞌana kenu mau nō.