Ruka 5:30 - Rapa Nui

³⁰ Te fariseo ꞌe te maꞌori o te haka tere hūrio he haꞌamata he hēŋuꞌi-ŋuꞌi ꞌe he kī ki te nuꞌu hāpī ꞌa Ietū: —¿He aha a kōrua e kai ꞌe e unu ena ꞌi muri i te ⌊nuꞌu haka ꞌauhau i te taŋata hai moni mo te rōmano⌋ ꞌe ꞌi muri i te tētahi nuꞌu hara?

Ruka 5:30 ပူးပေါင်းရင်းမြစ်များ

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Māteo 9:11

I takeꞌa era i rā meꞌe e te ⌊fariseo⌋, he ꞌui ki te nuꞌu hāpī ꞌa Ietū: —¿He aha te kōrua maꞌori e kai ena ananake ko te nuꞌu haka ꞌauhau i te taŋata hai moni mo te rōmano ꞌe ananake ko te tētahi haka ꞌou atu nuꞌu hara?

Marko 2:16

Tētahi ⌊fariseo⌋, maꞌori o te haka tere hūrio, i takeꞌa rō i a Ietū e kai ꞌana ananake ko tū nuꞌu era. ꞌO ira i kī ai ki te nuꞌu hāpī ꞌa Ietū: —¿Pē hē i manaꞌu ai te kōrua maꞌori mo kai ꞌi muri i te nuꞌu haka ꞌauhau hai moni mo te rōmano ꞌe ꞌi muri i te nuꞌu hara?

Marko 7:3

(Te hūrio taꞌatoꞌa, paꞌi, ꞌe te fariseo e ko kai, ki te hora hopeꞌa, mo taꞌe hopu ꞌi raꞌe i te rima pa he rāveꞌa kī e te rāua tupuna pē hē ana aŋa.

Marko 9:16

He ꞌui e Ietū: —¿He aha rā te meꞌe o kōrua e tātake ena?

Ruka 18:11

»He māroa rā fariseo he pure a roto i a ia ꞌā: “E te ꞌAtua ē, he māuru-uru atu a au ꞌo te taꞌe ai ōꞌoku pa he tētahi nuꞌu: he toke-toke, he taparahi-taꞌata, he taiꞌata; ꞌe, takoꞌa, ꞌo te taꞌe ai ōꞌoku pa he taŋata era ai, haka ꞌauhau i te nuꞌu hai moni mo te rōmano.

Ruka 19:7

I takeꞌa era e te taŋata, he haꞌamata he hēŋuꞌi-ŋuꞌi o ruŋa i a Ietū pē nei ē: «Ko oho ꞌā noho ꞌi te hare o te taŋata hara».

Ruka 5:17

E tahi mahana e hāpī ꞌā a Ietū i te nuꞌu. ꞌE, ꞌi te hare ꞌi ira a ia, e no-noho rō ꞌā tētahi ⌊fariseo⌋ ꞌe tētahi ⌊maꞌori o te haka tere hūrio⌋ tuꞌu mai te kona taꞌatoꞌa o Karirea, o Hūrea ꞌe o Hērutarema. Te pūai o te ꞌAtua ꞌi ruŋa i a Ietū mo haka ora i te māui-ui.

Ruka 5:21

He haꞌamata ia te nuꞌu maꞌori o te haka tere hūrio ꞌe te fariseo he manaꞌu: «¿Ko ai a ia mo kī i te vānaŋa taꞌe tano mo te ꞌAtua? He ꞌAtua mau nō te meꞌe haka kore i te hara».

Ruka 7:34

He tuꞌu mai ia te ⌊Poki o te taŋata⌋ e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te nuꞌu haka ꞌauhau i te taŋata hai moni mo te rōmano.

Ruka 7:39

I takeꞌa era e tū taŋata fariseo era, tē rā ka manaꞌu: «ꞌĀhani te kope era he perofeta, ko aŋi-aŋi ꞌana: te viꞌe era he viꞌe hara».

Aŋa o te ꞌĀpōtoro 23:9

Taꞌatoꞌa e pōŋeha era. He māroa ia te tētahi ⌊maꞌori o te haka tere hūrio⌋, he fariseo, he kī: «Te taŋata nei ꞌina kai aŋa e tahi meꞌe rake-rake; o te vārua ꞌo o te merahi pēaha i vānaŋa ki a ia».