Ruka 5:26 - Rapa Nui

²⁶ He māere te nuꞌu taꞌatoꞌa o rā kona koia ko riꞌa-riꞌa; he haꞌahana-hana ki te ꞌAtua ꞌe he kī: «¡ꞌI ꞌaŋarīnā i takeꞌa ai e tātou i te meꞌe hopeꞌa o te nui-nui!».

Ruka 5:26 ပူးပေါင်းရင်းမြစ်များ

Māteo 12:23

Te nuꞌu taꞌatoꞌa he māere he ꞌui ki a rāua ꞌā: «¿Ko te Hakaara era hō rā o Tāvita?».

Māteo 28:8

He oho tū ŋā viꞌe era mai rā kona e horo-horou rō ꞌā koia ko riꞌa-riꞌa ꞌe ko koa haka ꞌite i tū parau ꞌāpī era ki te nuꞌu hāpī ꞌa Ietū.

Māteo 9:8

I takeꞌa era e te nuꞌu i tū meꞌe era, he riꞌa-riꞌa ꞌe he haꞌahana-hana ki te ꞌAtua ꞌo te vaꞌai i te pūai pē ira ki te taŋata.

Marko 2:12

ꞌI tū hora ꞌā, e uꞌi nō ꞌā te taŋata taꞌatoꞌa, he māroa tū kope era, he toꞌo i te raŋo, he eꞌa he oho rō ꞌai. He māere tahi tū nuꞌu era ꞌe he haꞌamata he haꞌahana-hana ki te ꞌAtua e kī era: «¡Kai takeꞌa ꞌā e mātou te meꞌe raꞌe tuꞌu pē nei!».

Ruka 1:65

I uꞌi era e rā nuꞌu ko vānaŋa haka ꞌou ꞌā, he riꞌa-riꞌa tahi rō ꞌai, ꞌe te nuꞌu taꞌatoꞌa noho o te kona maꞌuŋa o Hūrea i ꞌite takoꞌa rō i rā meꞌe.

Ruka 5:8

I takeꞌa era e Tīmona, kī takoꞌa ko Pētero, i tū meꞌe era, he tū-turi ꞌi muꞌa o Ietū he kī: —¡E Ietū, ka oho koe mai muri i a au; he taŋata hara a au!

Ruka 7:16

I takeꞌa era e te nuꞌu i tū meꞌe era, he māere ananake ꞌe he haꞌahana-hana i te ꞌAtua he kī: «ꞌĪ te perofeta nui-nui e tahi ꞌi roto i a tātou». ꞌE he kī takoꞌa: «Ko tuꞌu mai ꞌana te ꞌAtua mo hāꞌūꞌū ki tōꞌona taŋata».

Ruka 8:37

He haꞌamata he ani e te nuꞌu taꞌatoꞌa o Hērata ki a Ietū mo oho mai rā kona, he riꞌa-riꞌa o rāua. He eke ia a Ietū ki ruŋa ki te vaka ꞌe he eꞌa he oho rō ꞌai.

Aŋa o te ꞌĀpōtoro 4:21

ꞌE, ꞌi te taꞌe ꞌite o tū nuꞌu ra-rahi era pē hē a rāua ana haka ūtuꞌa i a kuā Pētero ꞌo riri te nuꞌu, he haka riꞌa-riꞌa haka ꞌou ꞌe ꞌai ka haka eꞌa. Te taŋata taꞌatoꞌa, paꞌi, e haꞌahana-hana ꞌana ki te ꞌAtua o ruŋa o tū meꞌe topa era, ꞌo ira te nuꞌu ra-rahi e riꞌa-riꞌa era.

Karatia 1:24

ꞌE ꞌi te parau ꞌāpī era o ruŋa i a au, i haꞌahana-hana ai rā nuꞌu ki te ꞌAtua.