Ruka 5:25 - Rapa Nui

²⁵ ꞌI tū hora ꞌā he eꞌa ki ruŋa tū taŋata hakari taꞌe makenu era ꞌi muꞌa o te nuꞌu taꞌatoꞌa. He maꞌu ia i tōꞌona raŋo ꞌe koia ko haꞌahana-hana ki te ꞌAtua he oho ki tōꞌona hare.

Ruka 5:25 ပူးပေါင်းရင်းမြစ်များ

Māteo 9:8

I takeꞌa era e te nuꞌu i tū meꞌe era, he riꞌa-riꞌa ꞌe he haꞌahana-hana ki te ꞌAtua ꞌo te vaꞌai i te pūai pē ira ki te taŋata.

Marko 2:12

ꞌI tū hora ꞌā, e uꞌi nō ꞌā te taŋata taꞌatoꞌa, he māroa tū kope era, he toꞌo i te raŋo, he eꞌa he oho rō ꞌai. He māere tahi tū nuꞌu era ꞌe he haꞌamata he haꞌahana-hana ki te ꞌAtua e kī era: «¡Kai takeꞌa ꞌā e mātou te meꞌe raꞌe tuꞌu pē nei!».

Ruka 13:13

He haka eke a Ietū i tōꞌona rima ki ruŋa o rā viꞌe. ꞌI tū hora ꞌā he māroa riva-riva ꞌe he haꞌamata he haꞌahana-hana ki te ꞌAtua.

Ruka 18:43

ꞌI tū hora mau era ꞌā he ora rō ꞌai te mata o tū taŋata era. He oho ia ꞌi muri i a Ietū koia ko haꞌahana-hana ki te ꞌAtua. Te nuꞌu taꞌatoꞌa takeꞌa i tū meꞌe era he haꞌahana-hana takoꞌa ki te ꞌAtua.

Ruka 5:13

He haka puā ia e Ietū i tōꞌona rima koia ko kī: —Ko tano ꞌā. Ko ora ꞌā a koe. ꞌI tū hora mau era ꞌā he ora rō ꞌai tū māui-ui era.

Iovani 9:24

He haka uŋa haka ꞌou e rā nuꞌu ra-rahi era mo oho o tū taŋata ora era o te mata, he kī: —Ka hōrea ꞌi muꞌa o te ꞌAtua he kī mai koe i te parautiꞌa o ruŋa i tū taŋata haka ora atu era i a koe. E ꞌite rō ꞌana, paꞌi, e mātou he taŋata hara a ia.