Ruka 5:24 - Rapa Nui

²⁴ ꞌE, ꞌī a au he haka takeꞌa atu: i a au i te ⌊Poki o te taŋata⌋ te parau ꞌi te ao nei mo haka kore i te hara». He kī haka ꞌou ia ki tū taŋata māui-ui era: «Ki a koe a au e kī atu ena, ka eꞌa ki ruŋa, ka maꞌu tuꞌu raŋo ꞌe ꞌai ka oho rō ki tuꞌu hare».

Ruka 5:24 ပူးပေါင်းရင်းမြစ်များ

Māteo 16:13

I tuꞌu era a kuā Ietū ki Tētārea o Fīripo, he ꞌui ki tāꞌana nuꞌu hāpī: —¿Ko ai te ⌊Poki o te taŋata⌋ e kī ena e te nuꞌu?

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Māteo 9:6

ꞌE ꞌī he haka takeꞌa atu pē nei ē: i a au i te ⌊Poki o te taŋata⌋ te parau mo haka kore i te hara ꞌi te ao nei». He kī ia ki tū taŋata hakari taꞌe makenu era: «Ka eꞌa koe ki ruŋa, ka toꞌo tuꞌu raŋo, ka eꞌa ka oho ki tuꞌu hare».

Ruka 5:13

He haka puā ia e Ietū i tōꞌona rima koia ko kī: —Ko tano ꞌā. Ko ora ꞌā a koe. ꞌI tū hora mau era ꞌā he ora rō ꞌai tū māui-ui era.

Ruka 5:18

He tuꞌu ia te ŋāŋata e tupa rō ꞌana i te raŋo ꞌi ruŋa te taŋata hakari taꞌe makenu. Te haŋa ananake mo maꞌu i rā taŋata ki muꞌa i a Ietū ꞌi roto i te hare,

Ruka 5:23

Ki a kōrua, ¿ꞌata aŋarahi mo haka kore i te hara ki te haka ora i te māui-ui? ¿Taꞌe ꞌō hai parau nō o te ꞌAtua te ŋā meꞌe nei e aŋa ena?

Ruka 7:14

He haka hāhine ia ki te pāpaku, he ꞌa-ꞌaru i te raŋo ꞌe he noho te nuꞌu tupa. He kī e Ietū ki tū kope mate era: «E haŋu, ki a koe a au e kī atu ena: ¡Ka eꞌa ki ruŋa!».

Ruka 8:54

He ꞌa-ꞌaru ia e Ietū i te rima o rā poki he kī i haka pūai i te reꞌo: «¡E vovo, ka eꞌa koe ki ruŋa!».

Iovani 11:43

I oti era te kī i tū meꞌe era, he ohu: «¡E Rātaro, ka eꞌa mai koe mai nā!».

Iovani 17:2

»Ko vaꞌai ꞌana a koe ki taꞌa Poki i te parau mo haka tere i te taŋata taꞌatoꞌa o te ao ꞌe mo vaꞌai i te ora ꞌāpī ꞌina he hopeꞌa raꞌa ki te nuꞌu haꞌataꞌa e koe māꞌana.

Iovani 3:13

»ꞌIna ꞌā he kope raꞌe i iri ki te raŋi, he kope topa nō mai era mai ruŋa, he ⌊Poki o te taŋata⌋.

Iovani 5:27

Te ꞌAtua i vaꞌai rō mai ki a au, ki te ⌊Poki o te taŋata⌋, i te parau mo kī i te meꞌe tano ꞌe i te meꞌe taꞌe tano o te taŋata.

Aŋa o te ꞌĀpōtoro 14:10

He kī pūai e Pauro: «¡Ka eꞌa koe ka māroa tī-tika!». I rere a ruŋa tū taŋata era i māroa ai, ꞌe he haꞌamata he haꞌere.

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

Aŋa o te ꞌĀpōtoro 9:34

He kī e Pētero: «E ꞌĒnea, ka eꞌa koe ki ruŋa ka hēriki tuꞌu roꞌi. Ko haka ora ꞌā koe e Ietū». ꞌI tū hora ꞌā i eꞌa ai a ꞌĒnea ki ruŋa.

Aŋa o te ꞌĀpōtoro 9:40

He haka eꞌa tahi e Pētero ki haho, ꞌe he tū-turi he pure. He uꞌi a ruŋa i tū viꞌe mate era he kī: «¡E Tavitā, ka eꞌa koe ki ruŋa!». He ꞌara te mata o tū viꞌe era. I takeꞌa era i a Pētero, he eꞌa ki ruŋa he noho.

Meꞌe Haka Takeꞌa 1:13

ꞌe ꞌi vāeŋa o rā ŋā hakariꞌi te kope pa he Poki era ꞌā o te taŋata, e uru rō ꞌana i te kahu roa-roa ꞌātā ki te vaꞌe, e haratuꞌa rō ꞌā a te uma hai rīpena aŋa hai piru.