Ruka 5:17 - Rapa Nui

¹⁷ E tahi mahana e hāpī ꞌā a Ietū i te nuꞌu. ꞌE, ꞌi te hare ꞌi ira a ia, e no-noho rō ꞌā tētahi ⌊fariseo⌋ ꞌe tētahi ⌊maꞌori o te haka tere hūrio⌋ tuꞌu mai te kona taꞌatoꞌa o Karirea, o Hūrea ꞌe o Hērutarema. Te pūai o te ꞌAtua ꞌi ruŋa i a Ietū mo haka ora i te māui-ui.

Ruka 5:17 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 15:1

E tahi mahana tētahi nuꞌu ⌊fariseo⌋ ꞌe tētahi ⌊maꞌori o te haka tere hūrio⌋ tuꞌu mai Hērutarema he haka hāhine ki a Ietū he ꞌui:

Marko 1:45

Kai mou rā kope; i ꞌaꞌamu nō ki te taꞌatoꞌa. ꞌO ira ꞌina he tano haka ꞌou a Ietū mo tuꞌu ki te kona nūnaꞌa hare e ꞌite rō ꞌana e te nuꞌu ꞌo putu-putu ꞌi muri. Te aŋa ia ꞌa Ietū he noho a te kona ꞌina he rahi e te taŋata. ꞌE, ka ai atu pē ira, ko te tuꞌu iŋa ꞌā ki a ia te nuꞌu mai te kona taꞌatoꞌa.

Marko 16:18

Mo ꞌa-ꞌaru tāꞌue i te kōreha veneno, ꞌe mo unu tāꞌue i te veneno, e ko ꞌati a rāua. ꞌE ꞌātā e ai rō te mana vaꞌai e te ꞌAtua, ka haka puā era hai rima ki te nuꞌu māui-ui, he ora rō ꞌai».

Marko 3:22

ꞌE o te ⌊maꞌori o te haka tere hūrio⌋ tuꞌu mai Hērutarema te kī: «Ko oꞌo ꞌā a Veresepupa, pūꞌoko o te tātane, ki roto i te kope era ꞌe ko vaꞌai ꞌā i te parau mo haka eꞌa i te tātane mai roto i te taŋata».

Marko 5:30

I ŋaroꞌa era e Ietū ko eꞌa ꞌana te mana haka ora māui-ui mai ruŋa i a ia, he hārui he uꞌi a ruŋa i te taŋata ꞌe he ꞌui: —¿ꞌA ꞌai tōꞌoku kahu i haka puā mai?

Marko 7:1

E tahi mahana he haka hāhine ki a Ietū te nuꞌu ⌊fariseo⌋ ꞌe tētahi ⌊maꞌori o te haka tere hūrio⌋ tuꞌu mai Hērutarema.

Ruka 15:2

Te ⌊fariseo⌋ ꞌe te nuꞌu ⌊maꞌori o te haka tere hūrio⌋ e vānaŋa taꞌe au rō ꞌā mo Ietū pē nei ē: «Te meꞌe haŋa o te kope era he piri ki te nuꞌu hara ꞌe he kai ꞌi muri».

Ruka 2:46

ꞌI te toru mahana i takeꞌa iho ai ꞌi te Kona Haꞌamuri ꞌAtua e noho rō ꞌana ꞌi muri i te nuꞌu ⌊maꞌori o te haka tere hūrio⌋ e haka roŋo ꞌana koia ko ꞌui.

Ruka 5:21

He haꞌamata ia te nuꞌu maꞌori o te haka tere hūrio ꞌe te fariseo he manaꞌu: «¿Ko ai a ia mo kī i te vānaŋa taꞌe tano mo te ꞌAtua? He ꞌAtua mau nō te meꞌe haka kore i te hara».

Ruka 5:30

Te fariseo ꞌe te maꞌori o te haka tere hūrio he haꞌamata he hēŋuꞌi-ŋuꞌi ꞌe he kī ki te nuꞌu hāpī ꞌa Ietū: —¿He aha a kōrua e kai ꞌe e unu ena ꞌi muri i te ⌊nuꞌu haka ꞌauhau i te taŋata hai moni mo te rōmano⌋ ꞌe ꞌi muri i te tētahi nuꞌu hara?

Ruka 6:19

Taꞌatoꞌa e uꞌi era i te rāveꞌa mo haka puā ki a Ietū; he ora, paꞌi, te rāua māui-ui ꞌi te mana eꞌa mai ruŋa i a ia.

Ruka 7:30

Te nuꞌu ⌊fariseo⌋ ꞌe te nuꞌu ⌊maꞌori o te haka tere hūrio⌋ kai haka papatito i a rāua he taꞌe haŋa ki te meꞌe haka ꞌite e te ꞌAtua mo te rāua riva-riva.

Ruka 8:46

ꞌAi e kī era e Ietū: —Nā ko haka puā mai ꞌā te kope e tahi; ko ŋaroꞌa ꞌā e au ko eꞌa ꞌā te mana mai ruŋa i a au.

Iovani 3:10

He pāhono e Ietū: —¿He maꞌori koe o te itaraera ꞌe kai ꞌite koe i te ŋā meꞌe ena?

Iovani 3:21

ꞌE te nuꞌu noho ꞌi roto i te parautiꞌa aŋa i te meꞌe tī-tika e haka hāhine rō ꞌana ki te mōrī mo takeꞌa pē nei ē: te rāua meꞌe taꞌatoꞌa aŋa hai pūai o te ꞌAtua.

Aŋa o te ꞌĀpōtoro 19:11

Te ꞌAtua e aŋa era i te mana hai Pauro taꞌe ko te mana ena e takeꞌa rahi rō ꞌā.

Aŋa o te ꞌĀpōtoro 4:30

koia ko haka takeꞌa i tuꞌu pūai hai haka ora i te māui-ui ꞌe hai aŋa i te mana hai ꞌīŋoa o tuꞌu tāvini moꞌa ko Ietū».

Aŋa o te ꞌĀpōtoro 5:34

ꞌI roto i rā nuꞌu te ⌊fariseo⌋ e tahi te ꞌīŋoa ko Kamariera. A ia he ⌊maꞌori o te haka tere hūrio⌋, ꞌe e moꞌa rahi rō ꞌā e te taŋata. He māroa he kī mo haka eꞌa ꞌiti-ꞌiti i tū ŋā ꞌāpōtoro era mai rā kona.