Ruka 5:12 - Rapa Nui

¹² ꞌI te kona e tahi a Ietū, he tuꞌu te taŋata māui-ui ꞌi te rēpera. I takeꞌa era i a Ietū, he tū-turi he haka puā i tōꞌona tira ki ruŋa i te ꞌōꞌone he ani: —E Ietū ē, mo haŋa ōꞌou, i a koe te ora o tōꞌoku māui-ui nei.

Ruka 5:12 ပူးပေါင်းရင်းမြစ်များ

Māteo 26:6

A Ietū ia ꞌi Vētānia, ꞌi te hare o Tīmona, e kī takoꞌa era ko Rēpera.

Māteo 9:28

I tuꞌu era a Ietū ki te hare ki ira e oho era, he uru ki roto. He haka hāhine tū ŋāŋata era ꞌe he ꞌui e Ietū: —Ki te kōrua manaꞌu, ¿i a au te parau mo aŋa i te meꞌe ena? —ꞌĒ-ē, e Ietū ē —i pāhono ai.

Marko 5:23

ꞌe he ani: —E Ietū ē, he mate tāꞌaku poki. Ka oho mai koe ka haka puā i tuꞌu rima ki a ia mo ora o tōꞌona māui-ui ꞌo mate.

Ruka 17:16

He tū-turi ꞌi muꞌa o Ietū, he noi ꞌātā ka puā rō te tira ki ruŋa i te ꞌōꞌone mo māuru-uru. Rā taŋata o Tāmāria.

Ruka 5:13

He haka puā ia e Ietū i tōꞌona rima koia ko kī: —Ko tano ꞌā. Ko ora ꞌā a koe. ꞌI tū hora mau era ꞌā he ora rō ꞌai tū māui-ui era.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.