Ruka 4:5 - Rapa Nui

⁵ He maꞌu ia e Rukifero ki ruŋa i te maꞌuŋa ruŋa nui, he haka takeꞌa hai minuti i te henua taꞌatoꞌa o te ao,

Ruka 4:5 ပူးပေါင်းရင်းမြစ်များ

Māteo 24:14

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Māteo 4:8

ꞌI te hora hopeꞌa he maꞌu e Rukifero ki ruŋa i te maꞌuŋa hopeꞌa o te ruŋa nui. He haka takeꞌa i te henua taꞌatoꞌa o te ao ꞌe i te rāua hauhaꞌa

1 Kōrinto 15:52

Te meꞌe nei ka topa ena ꞌi te hora o te puhi iŋa hopeꞌa o te koneta, ꞌe te hōrou pa he mine iŋa ena ꞌā o te mata. He puhi te koneta, te nuꞌu mate he ora tahi mai, ꞌe ꞌina e ko mate haka ꞌou. ꞌE a tātou te nuꞌu ora o rā hora, he mono te hakari,

1 Kōrinto 7:31

ꞌe te nuꞌu aŋa oho mo ravaꞌa moni ꞌi te ao nei. Taꞌe hai ŋā meꞌe taꞌatoꞌa nei o te ao ana taꞌe topa te kōrua hora mo aŋa ki te ꞌAtua. Te ŋā meꞌe taꞌatoꞌa nei, paꞌi, e ŋaro tahi rō koia ko te ao.

2 Kōrinto 4:17

E haka topa nei i te manaꞌu o ruŋa i te meꞌe ka ai ena mo tātou pe muꞌa ka oho ena: he noho iŋa riva-riva ꞌina he hopeꞌa raꞌa ꞌi te raŋi, te ꞌati ꞌamo e mātou ꞌi te ao nei ꞌina e mātou he tapa atu; e tuꞌu rō ꞌana, paꞌi, pa he meꞌe taꞌe paŋahaꞌa ꞌe e ko roa he ŋaro.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Ēfeto 6:12

Taꞌe a tātou e moto ꞌā ki te taŋata; e moto ꞌana ki te tātane, te auraꞌa, ki a Rukifero ꞌe ki tāꞌana vaꞌehau taꞌatoꞌa ꞌina he takeꞌa mai haka tere i te nuꞌu noho ꞌi roto i te pōhāhā.