Ruka 4:40 - Rapa Nui

⁴⁰ I ŋaro era te raꞌā o rā mahana haka ora era, he eꞌa te taŋata taꞌatoꞌa ai o te rāua nuꞌu māui-ui he maꞌu ki a Ietū. ꞌE, ka ai atu huru kē huru kē te rāua māui-ui, he haka puā e Ietū hai rima ꞌe he ora rō ꞌai.

Ruka 4:40 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 14:13

I ꞌite era e Ietū o ruŋa i rā ꞌati, he eꞌa he oho a ruŋa i te vaka ki te kona ꞌina he taŋata. I ꞌite nō e te nuꞌu, ꞌe he eꞌa mai te rāua kona taꞌatoꞌa noho he oho a ruŋa i te henua ki te kona ꞌi ira a Ietū.

Marko 3:10

ꞌI te rahi o te nuꞌu haka ora e ia, ꞌai e rere era te nuꞌu māui-ui taꞌatoꞌa ki ruŋa mo haka puā.

Marko 5:23

ꞌe he ani: —E Ietū ē, he mate tāꞌaku poki. Ka oho mai koe ka haka puā i tuꞌu rima ki a ia mo ora o tōꞌona māui-ui ꞌo mate.

Marko 6:5

ꞌE kai rahi te mana i aŋa e Ietū ꞌi Nātāreta, he taꞌe haka moe o te nuꞌu o rā kona i te manaꞌu ꞌi ruŋa i a ia. Te mana nō i aŋa he haka ora i te tētahi nuꞌu māui-ui i haka puā hai rima.

Aŋa o te ꞌĀpōtoro 19:12

E ora rō ꞌā, paꞌi, te māui-ui ꞌe e eꞌa rō ꞌā te tātane mai roto i te nuꞌu hai maꞌu nō ki a rāua e te tētahi i te haroꞌi ꞌe i te kahu puā e te hakari o Pauro.

Aŋa o te ꞌĀpōtoro 5:15

Te aŋa o te taŋata he maꞌu i te māui-ui ki te ara e haka moe rō ꞌana ꞌi ruŋa i te roꞌi ꞌe ꞌi ruŋa i te raŋaria, koiꞌite ka vari era a Pētero he ora te māui-ui hai kohu ōꞌona.