Ruka 4:34 - Rapa Nui

³⁴ —¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Ruka 4:34 ပူးပေါင်းရင်းမြစ်များ

Māteo 8:29

He haꞌamata e te tātane he ohu: —¡E te Poki o te ꞌAtua ē! ¿He aha taꞌa meꞌe haŋa i a mātou? ¿I oho mai ai koe mo tōtōā mai kai tano hia ꞌā te hora?

Marko 1:24

—¿He aha taꞌa meꞌe haŋa i a mātou, e Ietū o Nātāreta ē? ¿E oho mai ꞌana koe mo haka kore i a mātou? Ko ꞌite ꞌana a au ko ai koe: he kope moꞌa uŋa mai e te ꞌAtua.

Marko 1:34

Rauhuru māui-ui i haka ora ꞌe meꞌe rahi tātane i haka eꞌa mai roto i te taŋata, ꞌe ꞌina he haꞌatiꞌa e Ietū mo vānaŋa o rā ŋā tātane ꞌo te ꞌite ko ai a ia.

Marko 5:7

ꞌe, i toꞌo te reꞌo ki roto era, i kī ai: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Ruka 1:35

He pāhono e te merahi: —E topa rō atu te Vārua Maitai, ꞌe ꞌi ruŋa i a koe ka noho ena te mana o te ꞌAtua. ꞌO ira te poki ka poreko ena ꞌina e ko ravaꞌa e te hara; e kī rō he Poki o te ꞌAtua.

Ruka 4:33

ꞌI roto i rā hare pure e tahi taŋata ko oꞌo ꞌā e te tātane, he ohu pūai:

Ruka 4:41

I rahi rō te nuꞌu o rā nuꞌu māui-ui era mai roto takoꞌa i eꞌa ai te tātane koia ko ohu: —¡He Poki koe o te ꞌAtua! He ture e Ietū ki rā ŋā tātane ꞌe, ꞌi te ꞌite o rāua a ia he ⌊Kiritō⌋, ꞌina he haka rē e Ietū mo vānaŋa.

Ruka 8:28

I takeꞌa era i a Ietū, he tū-turi ꞌi muꞌa koia ko ohu: —¡Ka haka rē koe i a au, e Ietū, e te Poki o te ꞌAtua o te raŋi ē! ¡Ka haka ꞌaroha koe i a au; ꞌina koe ko tōtōā mai!

Ruka 8:37

He haꞌamata he ani e te nuꞌu taꞌatoꞌa o Hērata ki a Ietū mo oho mai rā kona, he riꞌa-riꞌa o rāua. He eke ia a Ietū ki ruŋa ki te vaka ꞌe he eꞌa he oho rō ꞌai.

Aŋa o te ꞌĀpōtoro 16:39

He oho he kī e rā nuꞌu ki a Pauro ararua ko Tira mo haka rehu i tū meꞌe aŋa era e rāua. He haka eꞌa ia mai roto i te hare maꞌuꞌaurī ꞌe he ani mo oho rō ꞌai mai Fīripo.

Aŋa o te ꞌĀpōtoro 2:27

E ko haka rē koe i tōꞌoku vārua ꞌi muri i te nuꞌu mate ꞌe e ko haꞌatiꞌa koe mo piro o te hakari o tuꞌu tāvini haꞌataꞌa ꞌe haꞌatura ki a koe.

Aŋa o te ꞌĀpōtoro 3:14

Kai haŋa a kōrua mo kī mo haka eꞌa i te taŋata aŋa i te meꞌe tī-tika ꞌe ꞌina he hara; he taŋata taparahi-taꞌata i haŋa e kōrua mo haka eꞌa.

Aŋa o te ꞌĀpōtoro 4:27

»He aŋi mau ꞌā a ⌊ꞌErore⌋, a Pontio Pirato, te nuꞌu taꞌe he hūrio, ꞌe te itaraera i haka piri tahi rō ꞌi nei ꞌi Hērutarema mo aŋa i te meꞌe taꞌe tano ki tuꞌu tāvini moꞌa ko Ietū, haꞌataꞌa e koe mo Kiritō.

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

Tanatiako 2:19

A koe e manaꞌu ena: te ꞌAtua e tahi mau nō, ꞌe he aŋi ꞌā. Ka ai atu pē ira, taꞌe hai ꞌite i rā meꞌe ana tano kōrua ki tōꞌona mata. Te tātane, paꞌi, e ꞌite takoꞌa rō ꞌā ꞌe e rurū rō ꞌana ꞌi te riꞌa-riꞌa.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

Meꞌe Haka Takeꞌa 20:2

He ꞌa-ꞌaru ia e rā merahi i te manuꞌino nui-nui mea-mea era, he kōreha o te noho iŋa tuai era ꞌā, he tātane era ko Rukifero, he here-here hai vivi e hoꞌe taꞌutini matahiti.

Meꞌe Haka Takeꞌa 3:7

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Pīrārēpia: “Pē nei te kī o te kope ꞌina he hara ꞌe a ia he parautiꞌa, kope i a ia te tāviri o te ꞌariki era ko ⌊Tāvita⌋, ꞌe kope mo mātaki e tahi meꞌe, ꞌina he rua kope mo puru; ꞌe mo puru e tahi meꞌe, ꞌina he rua kope mo mātaki: