Ruka 4:23 - Rapa Nui

²³ He kī haka ꞌou e Ietū: —Ko ꞌite ꞌana a au e kī rō mai kōrua i te vānaŋa nei: «E te taote, ka haka ora koe i a koe ꞌā». E takoꞌa: «Te meꞌe aŋa e koe ꞌi Kaperenāū ka aŋa takoꞌa ꞌi nei ꞌi tuꞌu kāiŋa».

Ruka 4:23 ပူးပေါင်းရင်းမြစ်များ

Māteo 13:54

I tuꞌu era ki ira, he haꞌamata he hāpī ꞌi roto i te ⌊hare pure hūrio⌋. Te taŋata, ko māere atu ꞌā, e kī era: «¿ꞌI hē te kope era i ꞌite ai i te meꞌe taꞌatoꞌa era? ¿Pē hē e ravaꞌa ena mo aŋa i te mana?

Māteo 4:13

ꞌIna kai noho ꞌi Nātāreta; ꞌi Kaperenāū i noho ai, ꞌi te taha-taha o te vai, ꞌi te kona o te hakaara o Tāvūrone ꞌe o Nefetārī.

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Marko 6:1

He hoki a Ietū ki tōꞌona kāiŋa ko Nātāreta. ꞌI muri i a ia i oho ai tāꞌana nuꞌu hāpī.

Ruka 2:39

I oti era te aŋa i te meꞌe taꞌatoꞌa hāꞌaki o ruŋa i te haka tere iŋa ꞌa Mōtē, he hoki a kuā Kōsē ki Karirea ki te kona noho o rāua ko Nātāreta.

Ruka 2:51

He hoki ia a Ietū ki Nātāreta ꞌi muri i tōꞌona matuꞌa ꞌe he haꞌatura ki te rāua meꞌe kī. Te ŋā meꞌe taꞌatoꞌa nei e maꞌu tahi rō ꞌā e tōꞌona matuꞌa vahine ꞌi roto i a ia.

Ruka 4:16

He oho ia a Ietū ki Nātāreta ki te kona ꞌi ira i nui-nui ai. I tano era te ⌊mahana haka ora⌋, he oho ki te hare pure hūrio, pa he meꞌe rava aŋa e ia ꞌi te mahana haka ora, ꞌe he māroa mo taiꞌo i te Pāpaꞌi Moꞌa.

Ruka 4:31

He eꞌa a Ietū he oho ki Kaperenāū, he kona haka ꞌou o Karirea, ꞌe ꞌi te mahana haka ora e hāpī era ꞌi roto i te hare pure hūrio.

Ruka 4:35

He ture ia e Ietū ki tū tātane era: —¡Ka mou ꞌe ka eꞌa koe mai roto i te taŋata ena! He haka ꞌamo e tū tātane era i rā kope ki raro e uꞌi nō atu ꞌana te nuꞌu taꞌatoꞌa o tū kona era. He eꞌa rā tātane mai roto ꞌe ꞌina e tahi meꞌe ꞌino i aŋa.

Ruka 6:42

Mo taꞌe takeꞌa e koe i te pou o roto i tuꞌu mata, ¿pē hē koe i manaꞌu ai mo kī ki tuꞌu taina: “E te taina, ka haka rē mai koe ki toꞌo atu a au i te pua mauku mai roto i tuꞌu mata”? ¡E te taŋata riva a te haho ē!, ka toꞌo koe ꞌi raꞌe i te pou mai roto i tuꞌu mata, ki takeꞌa riva-riva ai e koe i te pua mauku ꞌi roto i te mata o tuꞌu taina.

Iovani 4:28

He haka rē ia rā viꞌe i tāꞌana karo, he eꞌa he oho ki te kona noho ōꞌona, he kī ki te taŋata o ira:

2 Kōrinto 5:16

ꞌO ira a mātou e taꞌe uꞌi haka ꞌou ena i te taŋata hoki a rāua he nuꞌu hōnui ꞌo he nuꞌu taꞌe hōnui, pa he manaꞌu iŋa o te taŋata o te ao nei. Pē ira mātou e uꞌi era i te Kiritō ꞌi muꞌa ꞌā, ꞌe, hora nei, ꞌina he uꞌi haka ꞌou pē ira.