Ruka 4:18 - Rapa Nui

¹⁸ «ꞌI ruŋa i a au te Vārua o te ꞌAtua, ꞌo te ai ko haꞌataꞌa ꞌana i a au mo maꞌu i te roŋo riva-riva ꞌāꞌana ki te nuꞌu veve. Ko uŋa mai ꞌā mo haka ꞌite ki te nuꞌu puru e ai rō ꞌā te rāveꞌa mo eꞌa o rāua mai roto i te ꞌati. Ko uŋa takoꞌa mai ꞌana i a au mo haka māꞌeha i te mata o te nuꞌu matapō, mo haka eꞌa i te nuꞌu mai te rima o te nuꞌu tōtōā i a rāua,

Ruka 4:18 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 12:18

«ꞌĪ tōꞌoku tāvini haꞌataꞌa e au, kope haŋa rahi ꞌāꞌaku, ꞌi ruŋa i a ia tōꞌoku koa. Ki a ia ka vaꞌai nei e au i tōꞌoku Vārua, ꞌe he haka ꞌite e ia ki te taŋata o te ao pē hē a rāua ana tano ki tōꞌoku mata.

Māteo 12:20

E ko riri ki te nuꞌu taꞌe haka moe rahi i te manaꞌu ꞌi ruŋa i a ia, ꞌe e ko riri ki te nuꞌu ꞌaka-ꞌaka o te manaꞌu. E aŋa e oho nō ꞌātā ka haka tano tahi rō i te meꞌe haŋa ꞌāꞌaku.

Māteo 4:16

te taŋata noho ꞌi roto i te pōhāhā o te hara ko takeꞌa ꞌana i te mōrī nui-nui. Ko haka māꞌeha ꞌana i te nuꞌu noho ꞌi roto i te pōhāhā o te mate, he taꞌe ꞌite ko ai te ꞌAtua».

Māteo 5:3

«Ko te koa i te nuꞌu ꞌite taꞌe i a rāua mau nō te rāua ora; i te nuꞌu nei te haka tere iŋa ꞌāpī o te ꞌAtua.

Ruka 4:17

He puka o te perofeta era ko ꞌItaia te meꞌe i vaꞌai. He mātaki ꞌi te kona e hāꞌaki rō ꞌā pē nei ē:

Ruka 6:20

He uꞌi a Ietū a ruŋa i tāꞌana nuꞌu hāpī ꞌe he kī: «Ko te koa i a kōrua, e te nuꞌu veve manaꞌu pē nei ē: ꞌina e tahi kōrua auraꞌa mo kore o te ꞌAtua; a kōrua o roto i te ⌊haka tere iŋa ꞌāpī o te ꞌAtua⌋.

Ruka 7:22

He kī e Ietū ki tū nuꞌu uŋa era e Iovani: —Ka hoki ka ꞌaꞌamu ki a Iovani i te meꞌe takeꞌa ꞌe ŋaroꞌa e kōrua: Ko māꞌeha ꞌā te mata o te nuꞌu matapō, ko haꞌere riva-riva ꞌā te nuꞌu vaꞌe koke. Ko ora ꞌana te nuꞌu māui-ui rēpera, ko ŋaroꞌa ꞌana te vānaŋa e te nuꞌu tariŋa pō. Ko ora mai ꞌā te nuꞌu mai te mate, ꞌe ko haka ꞌite ꞌana i te ⌊roŋo riva-riva o te ꞌAtua⌋ ki te nuꞌu veve.

Iovani 1:41

Te meꞌe raꞌe ꞌa Antarea i aŋa he kimi i tū taina era ōꞌona ko Tīmona. I piri era he kī: «Ko māhani ꞌana a māua i te ⌊Mētia⌋». (Mo huri i te vānaŋa nei Mētia ki te ⌊kirieko⌋: Kiritō).

Iovani 12:46

I oho mai ai a au ki te ao nei pa he mōrī haka māꞌeha i te manaꞌu o te taŋata ꞌo noho te nuꞌu haka moe i te manaꞌu ꞌi ruŋa i a au ꞌi roto i te pōhāhā.

Iovani 3:34

Te kope uŋa mai e te ꞌAtua e haka ꞌite ꞌana i te vānaŋa o te ꞌAtua; i a ia, paꞌi, te pūai o te Vārua Maitai i vaꞌai ai e te ꞌAtua.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

Aŋa o te ꞌĀpōtoro 4:26

Te ꞌariki ꞌe te nuꞌu haka tere henua, paꞌi, ko haka piri tahi ꞌā mo aŋa i te meꞌe taꞌe tano ki te ꞌAtua ꞌe ki tāꞌana Kiritō”.

Aŋa o te ꞌĀpōtoro 4:27

»He aŋi mau ꞌā a ⌊ꞌErore⌋, a Pontio Pirato, te nuꞌu taꞌe he hūrio, ꞌe te itaraera i haka piri tahi rō ꞌi nei ꞌi Hērutarema mo aŋa i te meꞌe taꞌe tano ki tuꞌu tāvini moꞌa ko Ietū, haꞌataꞌa e koe mo Kiritō.

Kōrosa 1:13

O te ꞌAtua, paꞌi, i haka eꞌa i a tātou mai te rima o te kope te haka tere iŋa ꞌi roto i te pōhāhā, ꞌe he haka noho i a tātou ꞌi roto i te haka tere iŋa o tāꞌana Poki haŋa rahi ko Ietū Kiritō,

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

1 Pētero 2:9

ꞌE a kōrua he huaꞌai toꞌo e te ꞌAtua, he oromatuꞌa aŋa ki te ꞌariki, he nuꞌu haꞌataꞌa māꞌana, ꞌe he taŋata haka tere e ia. Te ꞌAtua, kope haka eꞌa i a kōrua mai roto i te pōhāhā o te meꞌe taꞌe tano mo oꞌo ki roto i tōꞌona mōrī nui-nui ena, i haꞌataꞌa ai i a kōrua mo haka ꞌite mo oho o ruŋa i te meꞌe nui-nui aŋa e ia.