Ruka 4:16 - Rapa Nui

¹⁶ He oho ia a Ietū ki Nātāreta ki te kona ꞌi ira i nui-nui ai. I tano era te ⌊mahana haka ora⌋, he oho ki te hare pure hūrio, pa he meꞌe rava aŋa e ia ꞌi te mahana haka ora, ꞌe he māroa mo taiꞌo i te Pāpaꞌi Moꞌa.

Ruka 4:16 ပူးပေါင်းရင်းမြစ်များ

Māteo 2:23

I tuꞌu era ki Karirea he oho he noho ꞌi Nātāreta. Te meꞌe nei i topa ai tano ki te meꞌe kī e te perofeta o ruŋa i te Kiritō pē nei ē: «E kī rō i a ia he taŋata o Nātāreta».

Ruka 2:39

I oti era te aŋa i te meꞌe taꞌatoꞌa hāꞌaki o ruŋa i te haka tere iŋa ꞌa Mōtē, he hoki a kuā Kōsē ki Karirea ki te kona noho o rāua ko Nātāreta.

Ruka 2:51

He hoki ia a Ietū ki Nātāreta ꞌi muri i tōꞌona matuꞌa ꞌe he haꞌatura ki te rāua meꞌe kī. Te ŋā meꞌe taꞌatoꞌa nei e maꞌu tahi rō ꞌā e tōꞌona matuꞌa vahine ꞌi roto i a ia.

Ruka 4:15

E hāpī era ꞌi te ⌊hare pure hūrio⌋ o te kona taꞌatoꞌa tuꞌu. Te nuꞌu taꞌatoꞌa o rā ŋā kona e haꞌahana-hana rō ꞌā i a ia.

Ruka 4:17

He puka o te perofeta era ko ꞌItaia te meꞌe i vaꞌai. He mātaki ꞌi te kona e hāꞌaki rō ꞌā pē nei ē:

Ruka 4:21

He haꞌamata ia a Ietū he vānaŋa: «ꞌI ꞌaŋarīnā te meꞌe taiꞌo atu ena e au o ruŋa i te Pāpaꞌi Moꞌa i tano ai».

Ruka 4:23

He kī haka ꞌou e Ietū: —Ko ꞌite ꞌana a au e kī rō mai kōrua i te vānaŋa nei: «E te taote, ka haka ora koe i a koe ꞌā». E takoꞌa: «Te meꞌe aŋa e koe ꞌi Kaperenāū ka aŋa takoꞌa ꞌi nei ꞌi tuꞌu kāiŋa».

Iovani 18:20

He kī e Ietū: —I vānaŋa ai a au ꞌi muꞌa o te nuꞌu taꞌatoꞌa: he hāpī tāꞌaku aŋa ꞌi roto i te ⌊hare pure hūrio⌋ ꞌe ꞌi te Kona Haꞌamuri ꞌAtua, he kona ꞌi ira e taka-taka ena te hūrio taꞌatoꞌa. ꞌIna e tahi ꞌāꞌaku vānaŋa i taꞌe kī ꞌi muꞌa o te taŋata.

Aŋa o te ꞌĀpōtoro 17:2

ꞌI te ⌊mahana haka ora⌋, he oho ararua ki roto i rā hare pure pa he meꞌe rava aŋa e rāua. ꞌI ira i vānaŋa ai ananake ko te ŋāŋata taka-taka o roto o ruŋa i te ⌊Kiritō⌋ hai meꞌe o ruŋa i te ⌊Pāpaꞌi Moꞌa⌋. I aŋa ai pē ira e toru tāpati.