Ruka 3:16 - Rapa Nui

¹⁶ ꞌO ira i kī ai e Iovani: —Te parautiꞌa, a au e papatito nei hai vai; ꞌe nā e oho mai ena te kope mo papatito atu hai ⌊Vārua Maitai⌋ ꞌe hai ahi. ꞌAta hau a ia ki a au; ꞌātā e ko tano au mo kume i te hau o tōꞌona kirivaꞌe.

Ruka 3:16 ပူးပေါင်းရင်းမြစ်များ

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Māteo 3:12

Te kope nei e tuꞌu rō pa he kope maꞌu i te ope mo haka maꞌitaki i te tariko ꞌe mo haꞌataꞌa i te kave-kave paka-paka. He tariko te meꞌe ka hāpaꞌo era ꞌi roto i te hare haꞌaputu tariko, ꞌe he kave-kave ka tutu era ꞌi roto i te ahi ꞌina he mate».

Iovani 1:26

He kī e Iovani: —A au e papatito nei hai vai; ꞌe, nā ꞌi roto i a kōrua te kope e tahi kai ꞌite ꞌā e kōrua ko ai mau a ia.

Iovani 1:27

I tuꞌa i a au ka tuꞌu mai ena. ꞌE, ꞌi tōꞌona hōnui, e ko tano a au mo noi mo kume i te hau o tōꞌona kirivaꞌe.

Iovani 1:33

ꞌI rā hora kai ꞌite hia ꞌana a au ko ai rā kope. O te ꞌAtua uŋa mai era i a au mo papatito hai vai i kī mai: “Taŋata ena ka takeꞌa ena e koe ko topa ꞌana te Vārua Maitai ꞌe ko noho ꞌana ꞌi ruŋa i a ia, māꞌana e papatito hai Vārua Maitai”.

Aŋa o te ꞌĀpōtoro 1:5

A ⌊Iovani⌋ hai vai i ⌊papatito⌋ ai; ꞌe, e ko roa te mahana, nā he papatito atu te ꞌAtua i a kōrua hai Vārua Maitai, te auraꞌa, he uŋa i te Vārua Maitai mo noho mau rō ꞌāvai ꞌi roto i a kōrua».

Aŋa o te ꞌĀpōtoro 10:44

E vānaŋa nō ꞌā a Pētero i topa ai te Vārua Maitai ki ruŋa i te nuꞌu taꞌatoꞌa o te hare o Koronerio haka roŋo i tāꞌana vānaŋa.

Aŋa o te ꞌĀpōtoro 2:33

Ko maꞌu ꞌā te ꞌAtua i a Ietū ko haka noho ꞌana ꞌi tōꞌona pāꞌiŋa mataꞌu mo haka tere ararua, ꞌe ko vaꞌai ꞌā ki a ia i te Vārua Maitai hōrea e ia e te Matuꞌa. ꞌE a Ietū ko haka topa mai ꞌā i te Vārua Maitai ki ruŋa i a mātou, he meꞌe ŋaroꞌa ꞌe takeꞌa ena e kōrua.

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.