Ruka 3:14 - Rapa Nui

¹⁴ He ꞌui takoꞌa e te tētahi vaꞌehau: —ꞌE, ꞌa mātou, ¿he aha te mātou meꞌe mo aŋa? He pāhono e Iovani: —ꞌIna ko toꞌo i te meꞌe o te rua hai haka riꞌa-riꞌa, ꞌe ꞌina ko tuhi reo-reo i te meꞌe kai aŋa e te rua. Ka koa nō kōrua ꞌi te moni ꞌauhau atu.

Ruka 3:14 ပူးပေါင်းရင်းမြစ်များ

Māteo 8:5

I tuꞌu era a Ietū ki Kaperenāū, he haka hāhine e tahi taŋata he kape o te vaꞌehau rōmano,

Ruka 19:8

ꞌE, ꞌi te kona hare era, he eꞌa a Tākeo ki ruŋa he kī ki a Ietū: —¿Ko ꞌite ꞌā koe? ꞌĪ a au he vahi a vāeŋa i tōꞌoku hauhaꞌa taꞌatoꞌa, ꞌe he vaꞌai e tahi pāꞌiŋa ki te nuꞌu veve. ꞌE mo ai, hora haka ꞌauhau era e au i te nuꞌu hai moni mo te rōmano i ꞌata haka ꞌauhau rō ki ravaꞌa takoꞌa mai ai tōꞌoku, hora nei he haka hoki e au e hā tara mo te tara ka tahi toke e au.

Ruka 3:10

He ꞌui e te nuꞌu: —¿He aha te mātou meꞌe mo aŋa?

Ruka 3:13

He kī e Iovani: —ꞌIna ko haka ꞌauhau i te taŋata ꞌata hau ki te moni mau era mo ꞌauhau.

Aŋa o te ꞌĀpōtoro 10:7

I eꞌa i oho era te merahi, he raŋi e Koronerio ki tāꞌana ŋāŋata aŋa e rua ꞌe ki te vaꞌehau e tahi hāꞌūꞌū ki a ia, moꞌa ꞌe haꞌatura ki te ꞌAtua.

Fīripo 2:15

ꞌo ai te kōrua hape ꞌe te kōrua meꞌe taꞌe tano mo tuhi atu e te taŋata. ꞌI roto i te nuꞌu haꞌavare ꞌe taparahi-taꞌata o te ao nei e riro kōrua he ŋā poki o te ꞌAtua ꞌina e tahi hape. E māꞌeha kōrua ꞌi roto i a rāua pa he hetuꞌu pura ꞌi roto i te pōhāhā

Fīripo 4:11

Taꞌe he hape o tāꞌaku meꞌe e kī atu ena a au i te meꞌe nei. A au, paꞌi, ko ꞌite ꞌana mo koa i te meꞌe nō era ꞌāꞌaku i ai.

Tito 2:3

ꞌE ki te ŋā viꞌe paꞌari e hāpī mo haka tere i a rāua hai moꞌa ꞌe hai haꞌatura ki te ꞌAtua, ꞌe mo taꞌe ai he ŋā viꞌe haꞌaꞌino ꞌe taꞌero. E ai he ŋā viꞌe hāpī i te meꞌe riva-riva,

Meꞌe Haka Takeꞌa 12:10

He ŋaroꞌa ia e au i te reꞌo pūai e tahi ꞌi ruŋa i te raŋi e kī era: «Ko tano ꞌā te hora era o te rē o te ꞌAtua, hora haka takeꞌa i tōꞌona pūai ꞌAriki, ꞌe hora mo haka tere e te ⌊Kiritō⌋ uŋa e ia. Ko tute ꞌana, paꞌi, i te kope rava tuhi era ꞌi muꞌa o te ꞌAtua, ka pō ka ꞌōtea, i te hape o te taina haka moe i te manaꞌu ꞌi ruŋa i a Ietū.