Ruka 3:11 - Rapa Nui

¹¹ He pāhono e Iovani: —Te taŋata ai e rua ōꞌona kahu, ka vaꞌai e tahi ki te taŋata ꞌina he kahu; ꞌe te taŋata e ai rō ꞌā tāꞌana kai, ka vaꞌai to te taŋata ꞌina ꞌāꞌana kai.

Ruka 3:11 ပူးပေါင်းရင်းမြစ်များ

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Ruka 11:41

ꞌO ira, e vaꞌai ki te nuꞌu veve i te meꞌe hai manaꞌu riva-riva; pē ira ana takeꞌa i te maꞌitaki o te roto ꞌe o te haho.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 19:8

ꞌE, ꞌi te kona hare era, he eꞌa a Tākeo ki ruŋa he kī ki a Ietū: —¿Ko ꞌite ꞌā koe? ꞌĪ a au he vahi a vāeŋa i tōꞌoku hauhaꞌa taꞌatoꞌa, ꞌe he vaꞌai e tahi pāꞌiŋa ki te nuꞌu veve. ꞌE mo ai, hora haka ꞌauhau era e au i te nuꞌu hai moni mo te rōmano i ꞌata haka ꞌauhau rō ki ravaꞌa takoꞌa mai ai tōꞌoku, hora nei he haka hoki e au e hā tara mo te tara ka tahi toke e au.

Iovani 13:29

ꞌE, ꞌi te ai ꞌa Hura te hāpaꞌo i te rāua pūtē moni, he manaꞌu e te tētahi o rā nuꞌu e kī ꞌā a Ietū mo hoꞌo hai meꞌe mo te ŋoŋoro, ꞌo mo vaꞌai hai moni mo te veve.

Aŋa o te ꞌĀpōtoro 10:2

Rā kope he taŋata moꞌa ꞌe haꞌatura ki te ꞌAtua, ꞌe ananake ko te nuꞌu taꞌatoꞌa o tōꞌona hare e haꞌamuri e haꞌahana-hana era ki te ꞌAtua. ꞌE, takoꞌa, e hāꞌūꞌū rō ꞌana hai moni mo te ⌊hūrio⌋, ꞌe e pure rō ꞌā ki te ꞌAtua.

Aŋa o te ꞌĀpōtoro 10:31

He kī mai: “E Koronerio, ko ŋaroꞌa ꞌana e te ꞌAtua i taꞌa pure, ꞌe e manaꞌu rō ꞌana i taꞌa meꞌe aŋa mo hāꞌūꞌū ki te nuꞌu veve.

Aŋa o te ꞌĀpōtoro 10:4

He noho he uꞌi a Koronerio ki tū merahi era koia ko riꞌa-riꞌa ꞌe he ꞌui: «¿He aha rā taꞌa meꞌe haŋa?». He kī e te merahi: «Ko ŋaroꞌa ꞌana e te ꞌAtua i taꞌa pure ꞌe e takeꞌa rō ꞌana i tuꞌu hāꞌūꞌū iŋa ki te veve.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

1 Timoteo 6:18

E kī takoꞌa: e haka rahi te rāua meꞌe riva-riva aŋa ki te rua, mo ꞌono takoꞌa o rāua ꞌi te aŋa iŋa i rā ŋā meꞌe, ꞌe e vaꞌai hai riva to te tētahi o te hauhaꞌa.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

Tanatiako 1:27

Te haꞌamuri iŋa parautiꞌa ꞌe tano ki te mata o te ꞌAtua Matuꞌa ko te meꞌe ena: he hāꞌūꞌū ki te ŋā poki matuꞌa kore ꞌe ki te ŋā viꞌe hove ai o te rāua ꞌati, ꞌe, takoꞌa, he taꞌe hara hai meꞌe o te ao nei.

Tanatiako 2:14

E te taina ōꞌoku ē, ka haka topa rā te manaꞌu: ¿e hauhaꞌa rō ꞌā te kī iŋa o te kope e tahi e haka moe rō ꞌā a ia i te manaꞌu ꞌi ruŋa i te ꞌAtua, ꞌe ꞌina ꞌāꞌana meꞌe riva-riva aŋa mo haka takeꞌa he aŋi ꞌā tāꞌana meꞌe kī era? Te haka moe iŋa o te manaꞌu pē rā, ¿e toꞌo mau rō i a ia mai roto i te hara?

1 Iovani 3:17

Kope nō era e ai rō ꞌā tōꞌona hauhaꞌa o te ao nei, ꞌe he takeꞌa i tōꞌona taina e ai rō ꞌana tāꞌana meꞌe hape ꞌe ꞌina he hāꞌūꞌū, ¿e ai mau rō ꞌana hō i a ia te haŋa o te ꞌAtua mo te rua?

1 Iovani 4:20

Mo kī o te kope e tahi: «E haŋa rō ꞌana a au ki te ꞌAtua» ꞌe ꞌina he haŋa ki tōꞌona taina, he reo-reo e tahi. Te taŋata taꞌe haŋa ki tōꞌona taina, he meꞌe takeꞌa e ia, ¿pē hē ia ana haŋa ki te ꞌAtua, he meꞌe taꞌe takeꞌa e ia?