Ruka 24:6 - Rapa Nui

⁶ ꞌIna o nei, ko ora haka ꞌou ꞌā. E manaꞌu kōrua i te meꞌe kī atu e ia ꞌi te hora ꞌi Karirea ꞌana:

Ruka 24:6 ပူးပေါင်းရင်းမြစ်များ

Māteo 12:40

Pa he noho iŋa e toru mahana o Hōnā ꞌi roto i te ika nui-nui, pē ira takoꞌa te Poki o te taŋata ka noho ena e toru mahana ꞌi te kona muraki i a ia.

Māteo 16:21

Mai rā hora he haꞌamata a Ietū he vānaŋa ki tāꞌana nuꞌu hāpī o ruŋa i te meꞌe ka topa era ki a ia pē nei ē: «E oho a au ki Hērutarema, ꞌe ꞌi ira ka tōtōā mai ena i a au e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E ŋaroꞌa rō e au i te māui-ui ki roto i te ivi. E tiŋaꞌi e haka mate rō i a au ꞌe, ꞌi te toru mahana, e ora haka ꞌou rō mai a au».

Māteo 27:63

he kī: —E te suerekao, ko manaꞌu ꞌana a mātou ki te vānaŋa kī e tū reo-reo era ꞌi te hora e ora nō ꞌā pē nei ē: ꞌi te toru mahana he ora haka ꞌou a ia.

Māteo 28:6

ꞌIna a ia o nei, ko ora ꞌana mai te mate pa he meꞌe kī era e ia. Ka oho mai rā ka uꞌi.

Marko 16:6

He kī e rā taŋata: «ꞌIna ko riꞌa-riꞌa. A kōrua e kimi ꞌana i a Ietū era o Nātāreta, kope veo era ꞌi ruŋa i te tātaurō. A ia ko ora haka ꞌou ꞌā; ꞌina o nei. Ka uꞌi nō a te kona haka rē era i a ia».

Marko 8:31

He haꞌamata he haka ꞌite e Ietū ki tū nuꞌu hāpī era ꞌāꞌana: te ⌊Poki o te taŋata⌋ e tōtōā rō, e oꞌo rō e te māui-ui ki roto i te ivi, ꞌe e ko haŋa e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. I haka ꞌite takoꞌa rō pē nei ē: e tiŋaꞌi e haka mate rō i a ia ꞌe, ꞌi te toru mahana, he ora haka ꞌou.

Ruka 24:34

He kī e rā nuꞌu ki tū ŋā kope era hoko rua: «¡He parautiꞌa ko ora haka ꞌou ꞌana a Ietū; ko haka takeꞌa ꞌā i a ia ki a Tīmona!».

Ruka 24:5

I takeꞌa era, he tū-turi he noi he haka puā i te rāua tira ki ruŋa i te ꞌōꞌone ko mate ꞌana ꞌi te riꞌa-riꞌa. He kī e tū ŋā kope era: «¿He aha kōrua e kimi ena i te taŋata ora a te kona o te taŋata mate?

Ruka 9:22

He kī ia e Ietū ki tāꞌana nuꞌu hāpī: «Te ⌊Poki o te taŋata⌋ e ŋaroꞌa rō i te māui-ui ki roto i te ivi, ꞌe e ko haŋa e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E tiŋaꞌi e haka mate rō i a ia ꞌe, ꞌi te toru mahana, he ora haka ꞌou».

Ruka 9:44

«Ka haka roŋo riva-riva mai te meꞌe nei ꞌe e uꞌi ꞌo rehu rō: te Poki o te taŋata e vaꞌai rō ki te rima o te nuꞌu taꞌe haŋa ki a ia».

Aŋa o te ꞌĀpōtoro 2:24

I oho era he haka ora e te ꞌAtua, he haka eꞌa mai te ꞌati o te mate i a Ietū; taꞌe, paꞌi, te mate mo rē ki a ia.

2 Tētārōnika 2:5

Ko rehu ꞌana ꞌō pēaha i a kōrua pē nei ē: i vānaŋa rō atu a au o ruŋa i te ŋā meꞌe nei ꞌi te hora era ōꞌoku ꞌi muri i a kōrua.