Ruka 24:47 - Rapa Nui

⁴⁷ ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Ruka 24:47 ပူးပေါင်းရင်းမြစ်များ

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 9:13

Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

Ruka 13:34

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki, pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina koe he haŋa!

Aŋa o te ꞌĀpōtoro 10:43

»Te perofeta taꞌatoꞌa o muꞌa ꞌā ko vānaŋa era ꞌana o ruŋa i a Ietū, ꞌe ko kī era ꞌā: hai meꞌe ka aŋa era e ia, te hara o te nuꞌu taꞌatoꞌa haka moe i te manaꞌu ꞌi ruŋa i a ia ka haka kore ena e te ꞌAtua.

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 13:46

A Pauro ꞌe a Verenāvē, ꞌina he riꞌa-riꞌa, he pāhono: «Te vānaŋa o te ꞌAtua ꞌi raꞌe a māua ana haka ꞌite atu ki a kōrua ki te hūrio. I taꞌe haŋa ena e kōrua ki tāꞌana vānaŋa, e takeꞌa ena: a kōrua he nuꞌu ꞌina he tano mo te ora ꞌāpī ꞌina he hopeꞌa raꞌa vaꞌai e te ꞌAtua. ꞌO ira, hora nei he oho a māua ki te nuꞌu taꞌe he hūrio.

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Aŋa o te ꞌĀpōtoro 20:21

Ki te hūrio ꞌe ki te nuꞌu taꞌe he hūrio e kī era e au mo huri o te manaꞌu ki te ꞌAtua ꞌe mo haka moe i te manaꞌu ꞌi ruŋa i te tātou Pūꞌoko Haka Tere ko Ietū.

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

Aŋa o te ꞌĀpōtoro 26:20

ꞌI raꞌe a au i haka ꞌite ai i te ⌊roŋo riva-riva o te ꞌAtua⌋ ki te nuꞌu o Rāmako, ki oti ki te nuꞌu o Hērutarema ꞌe o te kona taꞌatoꞌa o Hūrea, ꞌe, takoꞌa, ki te nuꞌu taꞌe he hūrio. He kī e au mo haka tapa mai roto i te meꞌe taꞌe tano, mo huri o te manaꞌu ki te ꞌAtua, ꞌe mo aŋa i te meꞌe mo takeꞌa e te nuꞌu he aŋi mau ꞌā ko ⌊huri ꞌana te rāua manaꞌu ki a ia⌋.

Aŋa o te ꞌĀpōtoro 28:28

»E ꞌite kōrua: mai te hora nei pe muꞌa ka oho ena, te ꞌAtua he haka ꞌite takoꞌa ki te nuꞌu taꞌe he hūrio i te roŋo pē hē te taŋata ana eꞌa mai roto i te ūtuꞌa o te hara ꞌe ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua, ꞌe ko rāua te nuꞌu ka haka roŋo ena». [

Aŋa o te ꞌĀpōtoro 3:19

»ꞌO ira, ⌊ka huri te manaꞌu ki te ꞌAtua⌋ ꞌe ꞌai ka haka tapa rō mai roto i te hara, ki haka kore atu ai e ia i te kōrua hara.

Aŋa o te ꞌĀpōtoro 4:12

Te eꞌa mai roto i te ūtuꞌa o te hara ꞌe te ai o te ora ꞌāpī ꞌina he hopeꞌa raꞌa vaꞌai e te ꞌAtua, mai i a Ietū mau nō ana ravaꞌa. Te ꞌAtua, paꞌi, ꞌina kai vaꞌai ki te rua kope i te aŋa nei.

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

Rōmano 5:20

Te ꞌAtua i vaꞌai ai i te ⌊haka tere iŋa ꞌa Mōtē⌋ mo aŋi-aŋi e te taŋata he aŋi mau ꞌana e rahi rō ꞌana te rāua hara. ꞌE, ka ai atu e rahi rō ꞌā te hara, te ꞌAtua i haka ꞌite rō mai: ꞌata hau rō atu ki te hara tōꞌona riva rahi.

Ēfeto 1:6

ꞌO ira, ki haꞌahana-hana ki te ꞌAtua ꞌi tōꞌona riva rahi haka takeꞌa mai ꞌo te ai o tātou ꞌa Ietū Kiritō, he Poki haŋa rahi ꞌāꞌana.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

1 Iovani 2:12

E te ŋā poki ē, nuꞌu haka moe iho i te manaꞌu ꞌi ruŋa i a Ietū ē, e pāpaꞌi atu ena a au ꞌo te ai hai Ietū Kiritō te kōrua hara i haka kore ai e te ꞌAtua.