Ruka 24:36 - Rapa Nui

³⁶ E vānaŋa nō ꞌana ananake i oꞌo ai a Ietū ki vāeŋa o rāua he ꞌaroha: «Ka ai ꞌi ruŋa i a kōrua te haumārū o te ꞌAtua».

Ruka 24:36 ပူးပေါင်းရင်းမြစ်များ

Māteo 10:13

Mo hāpaꞌo riva-riva atu te nuꞌu o rā hare, he tano te kōrua ꞌaroha; ꞌe mo taꞌe ai pē ira, e ko ai ꞌi ruŋa i a rāua te haumārū o te ꞌAtua.

Marko 16:14

E no-noho nō ꞌā te nuꞌu hāpī ꞌa Ietū e hoꞌe ꞌahuru mā hoꞌe ꞌi ruŋa i te ꞌamuramaꞌa, he haka takeꞌa a Ietū i a ia. He ture ia ꞌo te taꞌe haka roŋo ki te nuꞌu takeꞌa raꞌe i a ia ko ora haka ꞌou ꞌā mai te mate, he pūꞌoko hio-hio o rāua ꞌe he taꞌe ⌊haka moe i te manaꞌu⌋ ꞌi ruŋa i a ia.

Ruka 10:5

Hare era o kōrua mo tuꞌu, te meꞌe raꞌe, e ꞌaroha pē nei ē: “Ka ai te haumārū ꞌi te hare nei”.

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

Iovani 16:33

E kī atu ena au i te meꞌe taꞌatoꞌa nei mo noho kōrua ꞌi roto i te haumārū ꞌo te ai o kōrua ꞌāꞌaku. ꞌI te ao nei e ꞌamo rō kōrua i te ꞌati. Kiahio kōrua; ko rē ꞌana, paꞌi, a au ki te kope ꞌāꞌana te haka tere i te ao.

Iovani 20:26

Ka vaꞌu mahana pe muꞌa, he taka-taka haka ꞌou te nuꞌu hāpī ꞌa Ietū ꞌi te hare e tahi. ꞌI rā mahana ꞌi muri i a rāua a Tōmā. E tāmaꞌu rō ꞌana te ꞌōpani o rā hare, he māroa atu a Ietū ꞌi vāeŋa o rā nuꞌu ꞌe he ꞌaroha: «Ka ai ꞌi ruŋa i a kōrua te haumārū o te ꞌAtua».

Aŋa o te ꞌĀpōtoro 1:3

I ora era mai te mate, he haka takeꞌa i a ia ki rā nuꞌu mo aŋi-aŋi e rāua ko ora ꞌā a ia. E maha ꞌahuru mahana i haka takeꞌa i oho ai a Ietū i a ia ꞌe i vānaŋa ai o ruŋa i te ⌊haka tere iŋa ꞌāpī o te ꞌAtua⌋.

1 Kōrinto 15:5

ꞌe i haka takeꞌa rō i a ia ki a Pētero ꞌe ki oti ki te hoꞌe ꞌahuru mā piti ⌊ꞌāpōtoro⌋.

1 Kōrinto 15:7

He haka takeꞌa i a ia ki a ⌊Tanatiako⌋, ꞌe ki oti he haka takeꞌa haka ꞌou ki te nuꞌu ꞌāpōtoro taꞌatoꞌa.

2 Tētārōnika 3:16

ꞌE mo te tātou Pūꞌoko Haka Tere, i a ia te haumārū, e vaꞌai atu ki a kōrua i te haumārū ꞌi te taꞌatoꞌa nō hora. Ka ai a ia ꞌi muri i a kōrua taꞌatoꞌa.

Meꞌe Haka Takeꞌa 1:4

A au a Iovani he ꞌaroha atu ki te nūnaꞌa taŋata hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia. Ka ai ꞌi ruŋa i a kōrua te riva rahi ꞌe te haumārū o te ꞌAtua o te hora nei, o muꞌa ꞌā ꞌe ka tuꞌu mai ena, o te vārua hoko hitu o muꞌa i tōꞌona pepe noho ꞌariki,